| e-texts navigator |
| Wylie |
163a1 པར་ཤེས་པར་འགྱུར།། ཐོས་པས་ཆོས་རྣམས་རྣམ་པར་ཤེས།། ཐོས་པས་སྡིག་ལས་ལྡོག་པར་འགྱུར།། ཐོས་པས་དོན་མེད་སྤོང་བར་བྱེད།། ཐོས་པས་མྱ་ངན་འདས་པ
163a2 འཐོག། གལ་ཏེ་ཐོས་པ་མང་གྱུར་ནས།། ཚུལ་ཁྲིམས་ལེགས་པར་མི་སྡོམ་ན།། དེ་ནི་ཚུལ་ཁྲིམས་ཕྱིར་སྨད་ཅིང་།། དེ་ཡིས་ཐོས་པ་ཕུན་སུམ་མིན།། གལ་ཏེ་ཐོས་པ་ཉུང་གྱུར་ཀྱང་།། ཚུལ་ཁྲིམས
163a3 ལེགས་པར་སྡོམ་བྱེད་ན།། དེ་ནི་ཚུལ་ཁྲིམས་ཕྱིར་བསྡམས་ཤིང་།། དེ་ཡི་ཐོས་པ་ཕུན་སུམ་འགྱུར།། གང་ཞིག་ཐོས་པ་ཉུང་བ་དང་།། ཚུལ་ཁྲིམས་ལེགས་པར་མི་སྡོམ་པ།། དེ་ནི་གཉིས་ཀའི་ཕྱིར་སྨ།
163a4 ཅིང་དེ་ཡི་བརྟུལ་ཞུགས་ཕུན་སུམ་མིན།། གང་ཞིག་མང་དུ་ཐོས་པ་དང་།། ཚུལ་ཁྲིམས་ལེགས་པར་སྡོམ་བྱེད་པ།། དེ་ནི་གཉིས་ཀའི་ཕྱིར་བསྔགས་ཤིང་།། དེ་ཡི་བརྟུལ་ཞུགས་ཕུན་སུམ་འགྱུར།།
163a5 ཐོས་པ་མང་ཞིང་ཆོས་འཛིན་དང་།། ཤེས་རབ་ལྡན་ཞིང་མཉམ་གཞག་པ།། དེ་དག་སུས་ཀྱང་སྨད་འོས་མིན།། འཛམ་བུ་གླིང་ན་གསེར་རྒྱན་བཞིན།། གང་ཞིག་གཟུགས་ཀྱིས་རྗེས་དཔོག་ཅིང་།།
163a6 ང་ལ་སྒྲ་ཡིས་འཇལ་བྱེད་པ།། འདུན་པའི་འདོད་ཆགས་དང་ལྡན་ཞིང་།། སྐྱེ་བོ་དེ་ཡིས་ང་མི་ཤེས།། གལ་ཏེ་ནང་ནི་རྣམ་ཤེས་ཤིང་།། ཕྱི་རོལ་མཐོང་བར་མ་གྱུར་ན།། ནང་གི་འབྲས་བུ་མཐོང་བ་གང་།།
163a7 དེ་ནི་སྒྲ་ཡིས་དྲང་དུ་རུང་།། གལ་ཏེ་ཕྱི་རོལ་མཐོང་གྱུར་ཅིང་།། ནང་ནི་ཤེས་པར་མ་གྱུར་པར།། ཕྱི་རོལ་འབྲས་བུ་མཐོང་བ་གང་།། དེ་ནི་སྒྲ་ཡིས་དྲང་དུ་རུང་།། གལ་ཏེ་ནང་ནའང་མི་ཤེས་ཤིང་།། ཕྱི་རོལ།
iiif viewer powered by OpenSeadragon
