| e-texts navigator |
| Wylie |
162a1 པས་ལ་ཝཱ་རཿ་སིར་སོང་ནས་སུ།། ངས་ནི་ཆོས་ཀྱི་རྔ་བརྡུང་ཞིང་།། འཇིག་རྟེན་སུས་གྲང་མ་བསྐོར་བའི།། ཆོས་ཀྱི་འཁོར་ལོ་བསྐོར་བར་བྱས།། དཔའ་བོ་དེ་བཞིན་གཤེགས
162a2 པ་རྣམས།། འདི་ནི་ཆོས་ཀྱིས་འདུལ་བར་མཛད།། དེ་དག་ཆོས་ཀྱིས་བཏུལ་བ་ལ།། མཁས་པ་སུ་ཡང་སྨོད་མི་བྱེད།། བཅན་གང་ཏིང་འཛིན་ལ་ཞུགས་ཤིང་།། ངེས་འབྱུང་ནི་ལ་དགའ་བ་དང་།། སྐུ
162a3 ཡི་ཐ་མ་འཛིན་པ་ཡིས།། རྫོགས་པའི་སངས་རྒྱས་གྲགས་ལྡན་པ།། ཤེས་རབ་མྱུར་བ་དེ་དག་ལ།། ལྷ་དང་མི་རྣམས་དགའ་བར་བྱེད།། གང་དག་འདས་པའི་རྫོགས་སངས་དང་།། གང་དག་མ
162a4 བྱོན་སངས་རྒྱས་དང་།། གང་དག་ད་ལྟར་རྫོགས་སངས་རྒྱས།། མང་པོའི་མྱ་ངན་སེལ་མཛད་པ།། བཞུགས་པར་གྱུར་ཅིང་བཞུགས་པ་དང་།། དེ་བཞིན་བཞུགས་པར་འགྱུར་བ་ཀུན།། དམ་ཆོས་བླ་མར།
162a5 མཛད་པ་འདི།། རྫོགས་སངས་རྒྱས་ཀྱི་ཆོས་ཉིད་ཡིན།། དེ་བས་འདི་ནི་བདག་དགའ་ཞིང་།། བདག་ཉིད་ཆེན་པོ་མངོན་འདོད་པས།། སངས་རྒྱས་བསྟན་པ་དྲན་བྱས་ཏེ།། དམ་པའི་ཆོས་ལ་བླ་མར་བྱ།། མི་གང
162a6 སངས་རྒྱས་བསྟན་པ་ལ།། དད་པ་མ་བསྐྱེད་བྱིས་པ་དེ།། རྒུད་པའི་གནས་སུ་འགྲོ་འགྱུར་ཏེ།། སྲིན་མོ་རྣམས་ཀྱིས་ཚོང་པ་བཞིན།། མི་གང་སངས་རྒྱས་བསྟན་པ་ལ།། དད་པ་བསྐྱེད་པ་ཤེས་རབ་ཅན།། དེར།
162a7 ནི་བདེ་བར་ཕ་རོལ་འགྲོ།། སྤྲིན་ཤུགས་ལྡན་པས་ཚོང་པ་བཞིན།། དེ་བཞིན་གཤེགས་པ་མཉམ་མེད་མཚུངས་པ་མེད།། བདེ་བར་རྣམ་རྟོག་དེ་བཞིན་རབ་དབེན་པའི།། རྣམ་རྟོག་གཉིས་པར་སྤྱོད་པའི་སངས
iiif viewer powered by OpenSeadragon
