| e-texts navigator |
| Wylie |
156b1 བྱས་པ།། དགེ་བས་འགེབས་པར་བྱེད་པ་དེ།། སྤྲིན་བྲལ་ཉི་མ་ཟླ་བ་ལྟར།། འཇིག་རྟེན་འདི་ནི་ཀུན་ནས་གསལ།། གང་ཞིག་སྡིག་པའི་ལས་བྱས་པ།། དགེ་བས་འགེབས་པར་བྱེད་པ་དེ།། འཇིག།
156b2 རྟེན་འདི་ནི་སྲེད་པ་ལས།། དྲན་པས་ལེགས་པར་འདའ་བར་འགྱུར།། གང་ཞིག་གསོན་ལ་མི་དགའ་བ།། དེ་ནི་ཤི་ནའང་མྱ་ངན་མེད།། བརྟན་པ་གོ་འཕང་མཐོང་བ་དེ།། མྱ་ངན་དབུས་ན་གདུང་མི་འགྱུར།།
156b3 གང་ཞིག་གསོན་ལ་མི་དགའ་བ།། དེ་ནི་ཤི་ནའང་མྱ་ངན་མེད།། བརྟན་པ་གོ་འཕང་མཐོང་བ་དེ།། གཉེན་འདུན་དབུས་ན་ལམ་མེར་འདུག། དགེ་སློང་དཀར་པོ་བསྒོམ་གྱིས་ལ།། ནག་པོའི་ཆོས་ནི་རྣམ་པར
156b4 སྤོངས།། ཁྱིམ་ནས་ཁྱིམ་མེད་སོང་ནས་སུ།། སྤྱོད་ཡུལ་དབེན་པ་གང་ཡིན་པ།། དེ་ལ་མངོན་པར་དགའ་བསླབ་ཅིང་།། འདོད་པ་ཅི་ཡང་མེད་པར་སྤོངས།། རྟག་ཏུ་སྙིང་པོ་དག་པ་དང་།། རྟག་ཏུ་གསོ་སྦྱོང་དག
156b5 པ་དང་།། གཙང་མའི་ལས་ནི་དག་པ་དེའི།། བརྟུལ་ཞུགས་ཕུན་སུམ་ཚོགས་པར་འགྱུར།། ཞིང་གི་སྐྱོན་ནི་རྩཝ་ཡིན་ལྟར།། སྐྱེ་དགུ་འདི་ལ་འདོད་ཆགས་སྐྱོན།། དེ་བས་འདོད་ཆགས་བྲལ་རྣམས་ལ།། བྱིན
156b6 ན་འབྲས་བུ་ཆེན་པོར་འགྱུར།། ཞིང་གི་སྐྱོན་ནི་རྩ་ཡིན་ལྟར།། སྐྱེ་དགུ་འདི་ལ་ཞེ་སྡང་སྐྱོན།། དེ་བས་ཞེ་སྡང་བྲལ་རྣམས་ལ།། བྱིན་ན་འབྲས་བུ་ཆེན་པོར་འགྱུར།། ཞིང་གི་སྦྱོར་ནི་རྩ་ཡིན་ལྟར།། སྐྱེ་དདུ
156b7 འདི་ལ་གཏི་མུག་སྐྱོན།། དེ་བས་གཏི་མུག་བྲལ་རྣམས་ལ།། བྱིན་ན་འབྲས་བུ་ཆེན་པོར་འགྱུར།། ཞིང་གི་སྐྱོན་ནི་རྩ་ཡིན་ལྟར།། སྐྱེ་དགུ་འདི་ལ་ང་རྒྱལ་སྐྱོན།། དེ་བས་ང་རྒྱལ་བྲལ་རྣམས་ལ། བྱིན་ན
iiif viewer powered by OpenSeadragon
