| e-texts navigator |
| Wylie |
156a1 པའོ།། ། བདག་གི་བྱ་བ་བྱ་བའི་དུས་གཡོ་བས།། དང་པོ་ཁོ་ནར་བྱ་བའི་མེལ་ཆེ་གྱིས།། བདག་གིས་དང་པོར་དེ་ལྟར་བྱས་ན་ནི།། བྱ་བ་བྱ་བའི་དུས
156a2 ལྷར་ཟད་འདོད་ཅིང་།། ཇི་ལྟར་འདོད་པ་དེ་བཞིན་འབྱོར་འགྱུར་བས།། དེ་ཡི་རང་བཞིན་ང་ཡིས་མཐོང་བས་ན།། ཇི་སྲིད་དོན་ནི་ཕུན་སུམ་ཚོགས་འགྱུར་བ།། དེ་སྲིད་བར་དུ་མི་ཡིས་བསྒྲིམ་པར་གྱིས།།
156a3 བསྒྲིམ་ཞིང་བརྩོན་པར་བྱ་བ་ཡིས།། བདག་ཉིད་གླིང་དུ་འགྱུར་བར་བྱ།། མགར་བ་ཡིས་ནི་དངུལ་བཞིན་དུ།། རང་གི་དྲི་མ་སྦྱང་བར་གྱིས།། དྲི་མ་སྦྱངས་པ་སྐྱོན་མི་འབྱུང་།། ཕྱི་ནས་སྐྱེ་དང་རྒ་མི་འཐོག།
156a4 ངོ་ཚ་མིན་ལ་ངོ་ཚ་ཞིང་།། ངོ་ཚ་བ་ལ་ངོ་མི་ཆེ།། མི་འཇིགས་པ་ལ་འཇིགས་ལྷ་དང་།། འཇིགས་ལ་མི་འཇིགས་ལྟ་བ་ཡི།། ལོག་པར་ལྟ་བ་བླངས་པ་ཡི།། སེམས་ཅན་ངན་འགྲོར་འགྲོ་བར་འགྱུར།། འདི།
156a5 ན་གང་སྔོན་བག་མེད་ལས།། ཕྱི་ནས་བག་དང་ལྡན་གྱུར་ཏེ།། སྤྲིན་བྲལ་ཉི་མ་ཟླ་བ་ལྟར།། འཇིག་རྟེན་འདི་ནི་ཀུན་ནས་གསལ།། འདི་ན་གང་སྔོན་བག་མེད་ལས།། ཕྱི་ནས་བག་དང་ལྡན་གྱུར་ཏེ།། འཇིག།
156a6 རྟེན་འདི་ནི་སྲེད་པ་ལས།། དྲན་པ་ལེགས་པར་འདའ་བར་འགྱུར།། གང་ཞིག་གཞོན་ནུར་རབ་བྱུང་ནས།། སངས་རྒྱས་བསྟན་ལ་འཇུག་པ་དེ།། སྤྲིན་བྲལ་ཉི་མ་ཟླ་བ་ལྟར།། འཇིག་རྟེན་འདི་ནི་ཀུན་ནས
156a7 གསལ།། གང་ཞིག་གཞོན་ནུར་རབ་བྱུང་ནས།། སངས་རྒྱས་བསྟན་ལ་འཇུག་པ་དེ།། འཇིག་རྟེན་འདི་ན་སྲེད་པ་ལས།། དྲན་པས་ལེགས་པར་འདའ་བར་འགྱུར།། གང་ཞིག་སྡིག་པའི་ལས
iiif viewer powered by OpenSeadragon
