| e-texts navigator |
| Wylie |
154b1 ཅིང་།། དགེ་སློང་དྲན་པ་དེ་ལེགས་འཇོག་པ་ན།། སྔ་ཕྱིར་ཁྱད་པར་རྣམས་ནི་འཐོབ་པར་འགྱུར།། ལྔ་ཕྱིར་ཁྱད་པར་རྣམས་ནི་ཐོབ་གྱུར་ནས།། འཆི་བདག་རྒྱལ་པོས་བལྟར་ཡང་མེད་པར་འམོ།། ལུས་གཏོགས།
154b2 དྲན་པ་ཉེ་བར་བཞག་ནས་སུ།། རེག་པའི་སྐྱེ་མཆེད་དྲུག་ནི་བསྡམས་བྱས་ཏེ།། གང་ཞིག་རྟག་ཏུ་མཉམ་པར་འཇོག་བྱེད་པ།། དེ་བདག་ཉིད་ཀྱིས་མྱ་ངན་འདས་པ་རྟོགས།། གང་ཞིག་རྟག་ཏུ་རྣམ་པ་ཐམས་ཅད་དུ།
154b3 ལུས་གཏོགས་དྲན་པ་ཉེ་བར་འཇོག་བྱེད་པ།། བདག་ཉིད་མེད་ཅིང་བདག་གིར་འཛིན་པ་མེད།། བདག་ཏུ་མི་འགྱུར་བདག་ཀིར་འཛིན་མི་འགྱུར།། དེ་ལྟར་དགེ་སློང་མཉམ་འཇོག་མྱུར་དུ་ནི།། ཡུལ་ལ་སྲེད་པ
154b4 དག་ལས་རྒལ་བར་འགྱུར།། གང་ཞིག་དྲན་དང་ཤེས་བཞིན་མཉམ་འཇོག་དང་།། དགའ་དང་རབ་ཏུ་དང་བས་དུས་དུས་སུ།། ཆོས་འདི་ལ་སྤྱོད་མེལ་ཚེ་བྱེད་པ་དེ།། སྐྱེ་རྒ་རྣམས་ལས་རྒལ་བར་འགྱུར་ཞེས
154b5 གསུངས།། དེ་ལྟར་རྟག་ཏུ་མེལ་ཆེ་བྱེད་སྟེན་ཅིང་།། དགེ་སློང་མཁས་པ་དྲན་ལྡན་བརྩོན་པ་ཡིས།། སྐྱེ་རྒའི་ཀུན་ཏུ་སྦྱོར་བ་སྤངས་ནས་སུ།། དེས་ནི་འདི་ལས་མྱ་ངན་འདས་པ་ཐོབ།། གཉིད་ལོག་དེ་དག་སང
154b6 བྱེད་པའི།། མེལ་ཆེ་བདག་ལས་ཁྱོད་ཉོན་ཅིག། ཉལ་བས་མེལ་ཆེ་བྱེད་ཟ་སྟེ།། མེལ་ཚེ་བྱེད་ལ་འཇིགས་པ་མེད།། མེལ་ཆེ་བྱེད་པར་བརྩོན་པ་དང་།། ཉིན་མཚན་རྗེས་སུ་སློབ་བྱེད་ཅིང་།། འཆི་བ
154b7 མེད་ལ་ལྷག་མོས་པའི།། ཟག་པ་རྣམས་ནི་ཟད་པར་འགྱུར།། གང་ཞིག་ཉིན་དང་མཚན་རྣམས་སུ།། སངས་རྒྱས་རྗེས་སུ་དྲན་བྱེད་ཅིང་།། གང་དག་སངས་རྒྱས་སྐྱབས་སོང་བ།། དེ་དག་མི་ཡི་རྙེད
iiif viewer powered by OpenSeadragon
