| e-texts navigator |
| Wylie |
153a1 བྱི་བའི་ཁུང་ནས་སྦྲུལ་ལྟ་བུར།། གནས་མལ་དག་ལ་བསྙེན་པར་གྱིས།། གལ་ཏེ་བདེ་བར་འཚོ་འདོད་ཅིང་།། དགེ་སྦྱོང་འདི་ལ་ལྷ་འདོད་ན།། ངན་ངོན་ཙམ་གྱིས་ཆོག་ཤེས་ཤིག།
153a2 ཆོས་གཅིག་པོ་ཡང་བསྒོམ་པར་བྱ།། གལ་ཏེ་མང་པོ་མི་ཤེས་ཤིང་།། ཚུལ་ཁྲིམས་ལེགས་པར་མཉམ་བཞག་ན།། དེ་ཤེས་པ་དགའ་ཚེ་དག་ཅིང་།། སྙོམས་ལས་མེད་ཅེས་སྟོད་པར་བྱེད།། གལ་ཏེ་འཆི།
153a3 བདག་ཉམས་བྱེད་པའི།། ཟག་མེད་རིག་པ་གསུམ་ལྡན་ན།། བླུན་པོས་ཅི་ཡང་མི་ཤེས་ཞེས།། བསམས་ནས་དེ་ལ་འཕྱ་ཡང་བླ།། གང་ཟག་སྡིག་པའི་ཆོས་ཅན་ལ།། གལ་ཏེ་བཟའ་དང་བཏུང་བ་ཡི།།
153a4 རྙེད་པ་དག་དང་ལྡན་གྱུར་ན།། དེ་ལ་དེ་དག་མཆོད་པ་བྱེད།། མགོ་བྲེགས་ངུར་སྨྲིག་གྱོན་པ་ཡི།། བཟའ་བ་དང་ནི་བཏུང་བ་དང་།། གོས་དང་མལ་ཆ་རྙེད་པ་ལྟར།། དགྲ་བྱེད་མང་བ་ཁོ་ནར་ཟད།། དེ་ལྟར་བཀུར་སྟི
153a5 འཇིག་ཆེན་གྱི།། སྐྱོན་རྣམས་ཁོང་དུ་ཆུད་བྱས་ནས།། འཕྲིགས་ཉུང་སེམས་ཁྲལ་བསྲུངས་ནས་སུ།། དྲན་ལྡན་དགེ་སློང་ཀུན་ཏུ་ཆུས།། ཁམ་གྱི་ཟས་ཀྱིས་སེམས་ཞིར་མི་འགྱུར་ཡང་།། འཚེ་བ་འདི་ཕྱིར
153a6 མི་བཟའ་མི་བྱ་སྟེ།། ཁ་ཟས་ཀྱིས་ནི་ལུས་དག་གནས་འགྱུར་པ།། དེ་ལྟར་རྟོགས་ལ་བསོད་སྙོམས་དག་ལ་རྒྱུས།། རིགས་ཀྱིས་ཕྱག་བྱས་མཆོད་པ་གང་ཡིན་འདི།། ཟུག་རྔུ་ཕྲ་མོ་དབྱུང་བར་དཀའ་བ་སྟེ།།
153a7 མི་ཡིས་བཟོད་དཀའ་བཀུར་སྟི་གང་ཡིན་འདི།། འདམ་དང་འདྲ་བར་རབ་ཏུ་རྟོགས་པར་གྱིས།། བཀུར་སྟིའི་ཚོམས་ཏེ་བཅུ་གསུམ་པའོ།། ། སྡིག་པའི་ལས་ནི་མི་བྱེད་པ།། འཁྲུ
iiif viewer powered by OpenSeadragon
