| e-texts navigator |
| Wylie |
152b1 པོ་གཙེས་པ། དྲིའུ་མོ་རང་གི་མངལ་གྱིས་དང་།། དམ་བུ་སྨྱིག་མ་འབྲས་བུས་དང་།། ཆུ་ཤིང་འབྲས་བུས་ཕུང་བ་ལྟར།། བོ་བཤལ་བཀུར་སྟིས་ཕུང་བར་འགྱུར།། ཇི་སྲིད་བླུན།
152b2 པོ་མཆོད་བྱས་པ།། དེ་སྲིད་རབ་ཏུ་བརླག་པར་འགྱུར།། བྱིས་པའི་དཀར་པོའི་ཚེ་འགྲིབ་ཅིང་།། དེ་ཡི་སྤྱི་བོའང་ངེས་པར་ཉམས།། ངན་པ་རྙེད་པ་འདོད་པ་དང་།། དགེ་སློང་འཁོར་ནི་འདོད་པ་དག།
152b3 གནས་ལ་སེར་སྣ་བྱེད་པ་དང་།། རིགས་གཞན་དག་གིས་མཆོད་པ་དང་།། རབ་ཏུ་བྱུང་དང་ཁྱིམ་པ་དག། གང་ཡང་རུང་བས་བདག་འཕྲིགས་ཏེ།། བྱ་བ་བྱས་རུང་མ་བྱས་རུང་།། བདག་དབང་གྱུར་ན་རེ
152b4 སྟེས་ཞེས།། དེ་ལྟར་བྱིས་པ་ཀུན་རྟོགས་ན།། སེམས་ལ་འདོད་ཆེན་འཕེལ་བར་འགྱུར།། རྙེད་པའི་ཐབས་ནི་གཞན་ཡིན་ལ།། མྱ་ངན་འདས་འགྲོའི་གཞན་ཡིན་ཞེས།། དེ་ལྟར་ཅི་རིགས་ཤེས་ནས
152b5 སུ།། བཀུར་སྟི་དག་ལ་མི་དགའ་ཞིང་།། དབེན་པ་རིམ་གྱིས་འཕེལ་བྱེད་པའི།། དགེ་སློང་སངས་རྒྱས་ཉན་ཐོས་ཡིན།། ཐམས་ཅད་ལ་ནི་མི་སྩོལ་ཞིང་།། མི་ཡིས་འཕྲིགས་པར་མ་གྱུར་དང་།། འཚོ
152b6 བ་གཞན་ལ་མི་བརྟེན་ཅིང་།། ཆོས་ལ་ཚོང་པ་བཞིན་མི་སྤྱད།། རང་གི་རྙེད་པ་བླང་བྱ་ཞིང་།། གཞན་གྱི་ལ་ནི་འདོད་མི་སྐྱེད།། དགེ་སློང་གཞན་གྱི་འདོད་བྱེད་པས།། ཏིང་འཛིན་ཐོབ་པར་མི་འགྱུར་རོ།། ག
152b7 ཏེ་བདེ་བར་འཚོ་འདོད་ཅིང་།། དགེ་སྦྱོང་འདི་ལ་ལྷ་འདོད་ན།། དགེ་འདུན་གྱི་ནི་ཆོས་གོས་དང་།། བཟའ་བཏུང་བྱིན་པར་གྱུར་ན་བླང་།། གལ་ཏེ་བདེ་བར་འཚེ་འདོད་ཅིང་།། དགེ་སྦྱོང་འདི་ལ་ལྷ་འདོད་ན།།
iiif viewer powered by OpenSeadragon
