| e-texts navigator |
| Wylie |
151b1 སྟོང་ཉིད་དུ།། གང་ཆེ་ཤེས་རབ་ཀྱིས་མཐོང་བ།། དེ་ཚེ་སྡུག་བསྔལ་ལས་ཡིད་འབྱུང་།། ལམ་འདི་རྣམ་པར་དག་པར་འགྱུར།། འདུ་བྱེད་ཐམས་ཅད་བདག་མེད་པར།། གང་ཚེ་ཤེས་རབ་ཀྱིས
151b2 མཐོང་བ།། དེ་ཚེ་སྡུག་བསྔལ་ལས་ཡིད་འབྱུང་།། ལས་འདི་རྣམ་པར་དག་པར་འགྱུར།། སྲེད་པའི་ཟུག་རྔུ་གཅོད་བྱེད་ལས།། ངས་ནི་ཁྱེད་ཅག་རྣམས་ལ་བསྟན།། དེ་བཞིན་གཤེགས་པ་སྔོན་པ་སྟེ།
151b3 ཁྱེད་ཅག་རྣམས་ཀྱིས་བྱ་དགོས་སོ།། སྲེད་པའི་ཟུག་རྔུ་སེལ་བའི་ལམ།། ངས་ནི་ཁྱེད་ཅག་རྣམས་ལ་བསྟན།། དེ་བཞིན་གཤེགས་པ་སྟོན་པ་སྟེ།། ཁྱེན་ཅག་རྣམས་ཀྱིས་བྱ་དགོས་སོ།། ལྟ་བ་རྣམ་པར
151b4 དག་བྱེད་པ།། ལམ་འདི་མ་གཏོགས་གཞན་མེད་པས།། ཏིང་ངེ་འཛིན་ལ་རབ་ཞུགས་ཏེ།། བདུད་ཀྱི་འཆིང་བ་སྤང་བར་གྱིས།། འདི་ནི་དྲན་ལམ་འདི་ནི་ཕ་རོལ་གནོན།། མཚོ་ལ་ངང་པའི་སྲང་ལྟར་བགྲོད་པ།
151b5 གཅིག། ཤཱཀྱ་ཐུབ་པས་མཉམ་གཞག་གང་རྟོགས་ནས།། ཚོགས་ལ་ཡང་དང་ཡང་དུ་བཤད་པ་འདི།། སྐྱེ་ཤི་མཐའ་རྟོགས་པན་མཛད་ཐུགས་བརྩེ་བས།། བགྲོད་པ་གཅིག་ལམ་རབ་ཏུ་བསྟན
151b6 མཛད་པའི།། ལམ་འདིས་ཆུ་བོ་རྣམས་ལས་སྔོན་རྒལ་ཞིང་།། དེ་བཞིན་རྒལ་བར་འགྱུར་ཞིང་རྒལ་བར་མཛད།། ཤིན་ཏུ་མཐར་གཏུགས་གདུལ་བྱ་དག་བྱ་དང་།། འཁོར་བའི་སྐྱེ་ཤི་ཟད་པར་བྱ་བ
151b7 དང་། ཁམས་རྣམས་དུ་མ་སོ་སོར་རྟོག་བྱའི་ཕྱིར།། སྤྱན་དང་ལྡན་པས་ལམ་འདི་རབ་ཏུ་བསྟན།། ཇི་ལྟར་ཆུ་ཀླུང་གངྒཱའི་ཆུ་རྒྱུན་ཞུགས།། རྒྱ་མཚོའི་ནང་དུ་འབབ་པར་འགྱུར་བ་ལྟར།། དེ་བཞིན
iiif viewer powered by OpenSeadragon
