| e-texts navigator |
| Wylie |
151a1 སྡིག་པ་ཞི་གྱུར་དེ།། མཁས་པས་དགེ་སྦྱོང་ཡིན་པར་ཤེས།། བརྟུལ་ཞུགས་མེད་ཅིང་བརྫུན་སྨན།། མགེ་བོ་བྲེགས་ཙམ་དགེ་སྦྱོང་མིན།། གང་དག་སྡིག་པ་ཆེ་ཕྲ་དག། ཀུན།
151a2 ལ་བཏགས་ནས་བྱེད་པ་དང་།། སྡིག་པ་ཞི་བ་དེ་དག་ནི།། དགེ་སྦྱོང་ཉིད་ཅེས་བརྗོད་པར་བྱ།། སྡིག་པ་སྤངས་པ་བྲམ་ཟེ་སྟེ།། ཞི་བོར་འདོད་པ་དགེ་སྦྱོང་ཡིན།། བདག་གི་དྲི་མ་རབ་སྤངས་པ།། དེས་ན་རབ
151a3 ཏུ་བྱུང་ཞེས་བརྗོད།། དགེ་སྦྱོང་གི་ཚེམས་ཏེ་བཅུ་གཅིག་པའོ།། །། གང་ཚེའཕགས་པའི་བདེན་པ་བཞི།། ཤེས་རབ་ཀྱིས་ནི་མཐོང་བ་དང་།། ལམ་འདི་རབ་ཏུ་ཤེས་པ་ཡིས།
151a4 སྲིད་པའི་སྲེད་པ་རབ་ཏུ་འཇལ།། དཔེར་ན་རླུང་གིས་རྡུལ་བསླང་ག། ཆར་པ་བབ་པས་ཞི་བྱེད་ལྟར།། གང་ཚེ་ཤེས་རབ་ཀྱིས་མཐོང་བ།། དེ་ཚེ་ཀུན་རྟོག་ཞི་བར་འགྱུར།། གང་ཞིག་ལེགས་པར་རྟོགས
151a5 པ་ཡིས།། སྐྱེ་ཤི་ལེགས་པར་ཟད་འགྱུར་ཞིང་།། འཇིག་རྟེན་ངེས་འབྱེད་འགྱུར་བ་ཡི།། ཤེས་རབ་དེ་ནི་གཙོ་བོ་ཡིན།། བདེན་པའི་ནང་ན་བདེན་བཞི་དང་།། ལམ་ནང་ཡན་ལག་བརྒྱད་པ་མཆོག། རྐང
151a6 གཉིས་ནང་ན་མིག་ཅན་དང་།། ཆོས་ཀྱི་ནང་ན་ཆགས་བྲལ་མཆོག། འདུ་བྱེད་ཐམས་ཅད་མི་རྟག་པར།། གང་ཚེ་ཤེས་རབ་ཀྱིས་མཐོང་བ།། དེ་ཚེ་སྡུག་བསྔལ་ལས་ཡིད་འབྱུང་།། ལམ་འདི་རྣམ
151a7 པར་དག་པར་འགྱུར།། འདུ་བྱེད་ཐམས་ཅད་སྡུག་བསྔལ་བར།། གང་ཚེ་ཤེས་རབ་ཀྱིས་མཐོང་བ།། དེ་ཚེ་སྡུག་བསྔལ་ལས་ཡིད་འབྱུང་།། ལམ་འདི་རྣམ་པར་དག་པར་འགྱུར།། འདུ་བྱེད་ཐམས་ཅད
iiif viewer powered by OpenSeadragon
