| e-texts navigator |
| Wylie |
147a1 ཞིང་། ཆད་མེད་བཞི་དང་བྲལ་མི་བྱ།། ལུས་ཀྱི་དགེ་བ་རྣམས་བྱ་ཞིང་།། ངག་དང་ཡིད་ཀྱིས་བྱས་ནས་ནི།། འདི་དང་ཕ་རོལ་དག་ཏུ་ཡང་།། རྟག་ཏུ་བདེ་བ་ཐོབ་པར་འགྱུར།། རྟག་ཏུ་ལུས།
147a2 ནི་བསྡམས་པའི་ཕྱིར།། ཐུབ་པ་འཚེ་བ་མེད་པ་ཡིན།། དེ་ནི་འཆི་མེད་གནས་འགྲོ་ཞིང་།། གང་དུ་སོང་ནའང་མྱ་ངན་མེད།། རྟག་ཏུ་དག་ནི་བསྡམས་པའི་ཕྱིར།། ཐུབ་པ་འཆེ་བ་མེད་པ་ཡིན།། དེ་ནི་འཆི་མེད
147a3 གནས་འགྲོ་ཞིང་།། གང་དུ་སོང་ནའང་མྱ་ངན་མེད།། རྟག་ཏུ་ཡིད་ནི་བསྡམས་པའི་ཕྱིར།། ཐུབ་པ་འཚེ་བ་མེད་པ་ཡིན།། དེ་ནི་འཆི་མེད་གནས་འགྲོ་ཞིང་།། གང་དུ་སོང་ནའང་མྱ་ངན་མེད།། བརྟན་པ་རྣམས་ཀྱི
147a4 ལུས་བསྡམས་ཤིང་།། བརྟན་པ་རྣམས་ཀྱིས་ངག་ཀྱང་བསྡམས།། བརྟན་པ་རྣམས་ཀྱིས་ཡིད་བསྡམས་ཞིང་།། བརྟན་པས་ཀུན་ཏུ་བསྡམ་བྱས་ན།། དེ་དག་འཆི་མེད་གནས་འགྲོ་ཞིང་།། གང་དུ་སོང་།།
147a5 ཡང་མྱ་ངན་མེད།། ལུས་ཀྱི་སྡོམ་པ་ལེགས་པ་སྟེ།། ངག་གི་སྡོམ་པའང་ལེགས་པ་ཡིན།། ཡིད་ཀྱི་སྡོམ་པ་ལེགས་པ་སྟེ།། ཐམས་ཅད་དུ་ནི་བསྡམས་པ་ལེགས།། ཀུན་ཏུ་བསྡམས་པའི་དགེ་སློང་ནི།། སྡུག
147a6 བསྔལ་ཀུན་ལས་རབ་ཏུ་འགྲོ།། ངག་རྣམས་བསྲུང་ཞིང་ཡིད་ནི་ལེགས་བསྡམས་ཏེ།། ལུས་ཀྱིས་མི་དགེ་བ་དག་སྤྱད་མི་བྱ།། ལས་ལམ་གསུམ་པོ་འདི་དག་རྣམ་སྦྱངས་ན།། དྲང་སྲོང་གསུངས་པའི་ལམ
147a7 ནི་ཐོབ་པར་འགྱུར།། ལེགས་པར་སྤྱད་པའི་ཚེམས་ཏེ་བདུན་པའོ།། །། གང་དག་བྱས་བཞིན་མ་བྱས་ཟེར་བ་དང་།། བརྫུན་དུ་སྨྲ་བ་དམྱལ་བར་འགྲོ་བར་འགྱུར།། མི་དེ་གཉིས་ཀ
iiif viewer powered by OpenSeadragon
