| e-texts navigator |
| Wylie |
145a1 ཚེ་བྱ་བ་ཡིས།། འདི་ནི་སྦ་བས་ལེགས་པར་སྦ།། དཔེར་ན་དཀོན་པའི་གྲོང་ཁྱེར་དག། ཕྱི་ནང་སྲུང་བར་བྱེད་པ་ལྟར།། དལ་འབྱོར་ཆུང་ནི་མི་ཟོས་པ།། དེ་ལྟར་བདག་ནི་བསྲུང་བར
145a2 བྱ།། སེམས་ཅན་དམྱལ་བར་སྐྱེས་ན་ཡང་།། རྣལ་འབྱོར་ཐལ་བས་འགྱོད་པར་འོང་།། ཕྱོགས་རྣམས་ཀུན་ཏུ་སེམས་ཀྱིས་ཡོངས་བརྟགས་ཀྱང་།། བདག་ལས་ཆེས་སྡུག་འགའ་ཡང་མ་མཐོང་བས།།
145a3 དེ་ལྟར་སོ་སོར་གཞན་ལའང་རང་སྡུག་པས།། དེ་ཕྱིར་བདག་འགས་གཞན་ལ་གནོད་མི་བྱ།། ཐམས་ཅད་ལ་ཡང་སྲོག་འདི་སྡུག། ཐམས་ཅད་ཆད་པས་འཇིགས་པས་ན།། རང་གི་ཉམས་ལས་དཔག
145a4 གྱིས་ཏེ།། བརྡེག་པར་མི་བྱ་གསད་མོ་བྱ།། རྒྱང་ཐག་བཅད་པར་སྤྲུགས་པའི་མི།། རི་ནས་ཉེ་ཞོ་མེད་འོངས་ན།། གཉེན་བཤེས་མཛའ་བོ་ལྷགས་ནས་སུ།། ཨ་ལ་ལ་ཞེས་མངོན་པར་དགའ།།
145a5 བཞིན་བསོད་ནམས་བྱས་པའི་མི།། འཇིག་རྟེན་འདི་ནས་ཕ་རོལ་ཏུ།། ཕྱིན་ཚེ་གཉེན་བཞིན་བསོད་ནམས་དག་འོངས་ནས་མངོན་པར་དགའ་བར་བྱེད།། དེ་བས་འཇིག་རྟེན་ཕ་རོལ་གྱི།། ཆེད་དུ་བསོད
145a6 ནམས་བསགས་པར་གྱིས།། བསོད་ནམས་འཇིག་རྟེན་ཕ་རོལ་དུ།། ལུས་ཅན་གྱི་གནས་སུ་འགྱུར།། གང་ཞིག་ལེགས་སྤུར་སྤྱོད་བྱེད་པའི།། དགེ་ལ་ལྷ་རྣམས་སྟོད་པར་བྱེད།། འདི་ནི་འང་སྨད་པར་མ།
145a7 འགྱུར་ལ།། མཐོ་རིས་སུ་ཡང་དགའ་བ་འཐོབ།། ཆོས་གནས་ཚུལ་ཁྲིམས་ཕུན་སུམ་ཚོགས།། ངོ་ཚ་ཤེས་ཤིང་བདེན་པར་སྨྲ།། རང་གི་བྱ་བ་བྱེད་པ་ལ།། སྐྱེ་བོ་གཞན་རྣམས་དགའ་བར་བྱེད།། རང་གི།
iiif viewer powered by OpenSeadragon
