| e-texts navigator |
| Wylie |
144b1 རྒས་བྱེད་པའི།། མྱ་ངན་མི་བཟང་སྐྱེ་བར་འགྱུར།། སྡུག་པ་ཤི་བར་གྱུར་པ་ན།། གཉེན་འདུན་མཛའ་བཤེས་མང་པོ་དག། ཡུན་རིང་དུས་སུ་མྱ་ངན་དང་།། སྡུག་དང་བྲལ་བས་སྡུག་བསྔལ་འགྱུར།། གང་ལ།
144b2 སྡུག་དང་སྡུག་མིན་བྱེད།། དེ་ལ་མདུད་པ་ཡོད་མིན་པས།། དེ་ལྟས་སྡུག་ཉིད་སྡིག་ཅན་ལ།། སྡུག་པར་བྱེད་པ་མི་བྱའོ།། སྡུག་ལ་བལྟས་ཏེ་དོན་བཏང་བས།། བདེ་སྦྱོར་རྣམས་ལ་མི་འཇུག་ཅིང་།། བདག་ཉིད་མི
144b3 བདེའི་སྦྱོར་ལྡན་དག། བདེ་སྦྱོར་དོན་ལྡན་རྣམས་ལ་སྔོན།། གཟུགས་སྡུག་བདེ་བས་བསྡམས་པ་དག། ལཱ་མི་སོ་སོའི་རིགས་དག་ཏུ།། སྡིག་པ་བྱེད་ཅིང་ཡོངས་ཉམས་ནས།། རྒ་དང་འཆི་བའི་དབང་དུ་འགྲོ།
144b4 གང་ཞིག་ཉིན་དང་མཚན་རྣམས་སུ།། བག་ཡོད་གཟུགས་སྡུག་སྤོང་བྱེད་པ།། དེས་ནི་སྤང་དཀའ་བདུད་ཟས་དང་།། སྡིག་པའི་རྩ་བ་རྡུངས་ནས་ཕུང་།། ལེགས་མིན་ལེགས་པའི་ཚུལ་དང་ནི།། སྡུག་མིན་སྡུག
144b5 པའི་ཚུལ་གྱི་ས་དང་།། སྡུག་བསྔལ་བདེ་བའི་ཚུལ་གྱིས་སུ།། བག་མེད་རྣམས་ནི་མངོན་དུ་འཇོམས།། གལ་ཏེ་བདག་ལ་དགའ་བྱེད་ལ།། ཉེས་པར་བྱེད་པར་བདེ་བ་དག། བདེ་བླག་ཁོ་ནར་མི་ཐོབ་པས།། འདྲ
144b6 ནི་སྡུག་ལ་གཞུག་མི་བྱ།། གལ་ཏེ་བདག་ལ་དགའ་བྱེད་ན།། ལེགས་པར་བྱེད་པས་བདེ་བ་དག། བདེ་བླག་ཁོ་ནར་འཐོབ་འགྱུར་བས།། འདི་ནི་སྡིག་ལ་གཞུག་མི་བྱ།། དཔེར་ན་དགོན་པའི་གྲོང་ཁྱེར་དག། བརྟན
144b7 པའི་འོབས་ཀྱིས་བསྐོར་བ་ལྟར།། གལ་ཏེ་བདག་ལ་དགའ་བྱེད་ན།། འདི་ནི་བསྲུང་བས་ལེགས་པར་བསྲུངས།། གལ་ཏེ་བདག་ལ་དཀའ་བྱེད་ནི།། ཐུན་གསུམ་གང་ཡང་རུང་བ་ལ།། མཁས་པས་མེལ
iiif viewer powered by OpenSeadragon
