| e-texts navigator |
| Wylie |
144a1 ཁྱེད་ཀྱིས་ཡན་ལག་དེ་རྟོགས་ལ།། དྲན་པ་ཆུད་ནིམ་གསན་ཅིག། དགེ་སློང་ཚུལ་ཁྲིམས་བཟང་བ་དང་།། བག་ཡོད་པ་ལ་དགའ་བ་ཡིས།། ཀུན་རྟོག་ལེགས་པར་མཉམ
144a2 བཞག་སྟེ།། རང་གི་སེམས་ནི་རྗེས་སུ་སྲུངས།། བརྩམ་པར་བྱ་ཞིང་འབྱུང་བར་བྱ།། སངས་རྒྱས་བསྟན་ལ་འཇུག་པར་བྱ།། འདམ་བུའི་ཁྱིམ་ལ་གླང་ཆེན་བཞིན།། འཆི་བདག་སྡེ་ནི་གཞོམ་པར་བྱ།། གང
144a3 ཞིག་ཆོས་འདུལ་འདི་ཉིད་ལ།། བག་དང་ལྡན་པར་སྤྱོད་བྱེད་པ།། སྐྱེ་བའི་འཁོར་བ་རབ་སྤངས་ནས།། སྡུག་བསྔལ་ཐ་མར་བྱེད་པར་འགྱུར།། བག་ཡོད་པའི་ཚེམས་ཏེ་བཞི་པའོ།། །
144a4 སྡུག་པ་རྣམས་ལས་མྱ་ངན་སྐྱེ།། སྡུག་པ་རྣམས་ལས་འཇིགས་པ་སྲེ།། སྡུག་པ་དག་ནི་རྣམ་སྤངས་ན།། མྱ་ངན་མེད་ཅིང་འཇིགས་པ་མེད།། སྡུག་གུ་མ་ལས་མྱ་ངན་སྐྱེ།། སྡུག་ལས་སྡུག་བསྔལ་སྡུག་ལས།
144a5 འཇིགས།། སྡུག་གུ་མ་དག་གཞན་གྱུར་ན།། ཡི་མུག་འགྱུར་བ་ཐོབ་པར་བྱེད།། འཇིག་རྟེན་སྡུག་བསྔལ་རྣམ་པ་དུ་མ་དང་།། མྱ་ངན་སྨྲེ་སྔགས་འདོན་པ་ཇི་སྙེད་པ།། དེ་དག་སྡུག་པ་དག་ལས་རྟེན་ཏེ་བྱུང་།། སྡུག།
144a6 པ་སྤངས་ན་དེ་དག་མི་འགྱུར།། གང་ཕྱིར་འཇིག་རྟེན་འགའ་ནའང་སྡུག་མེད་པ།། གང་ཡིན་དེ་དག་པ་དེ་ཞིག་མྱ་ངན་མེད།། དེ་བས་གདུང་མེད་རྡུལ་བྲལ་དོན་གཉེར་བྱས།། ནམ་ཡང་སྡུག་པར་བྱེད་པ་མི་བྱའོ།། སྡུག
144a7 བ་མ་མཐོང་སྡུག་བསྔལ་ལ།། མི་སྡུག་མཐོང་ན་དེ་བཞིན་པས།། ནམ་ཡང་སྡུག་དང་ཕྲད་མི་བྱ།། མི་སྡུག་དང་ཡང་ཕྲད་མི་བྱ།། སྡུག་པ་དང་ནི་བྱེ་བྲལ་དང་།། མི་སྡུག་པ་དང་ཕྲད་པ་ཡིས།། གང་གིས་མི་དག
iiif viewer powered by OpenSeadragon
