| e-texts navigator |
| Wylie |
142b1 ལྷག་པའི་སེམས་ལ་བག་བྱ་སྟེ།། ཐུབ་པའི་ཐུབ་གཞི་རྣམས་ལ་བསླབ།། ཉེར་ཞིང་རྟག་ཏུ་དྲན་ལྡན་པའི།། སྐྱོབ་པ་མྱ་ངན་མེད་པ་ཡིན།། དམན་པའི་ཆོས་ལ་མི་བསྟེན་ཅིང་།། བག་མེད་པ་ལ་བསྟེན་མ།
142b2 བྱ།། ལོག་པར་ལྷ་ལ་འདོད་མེད་དང་།། འཇིག་རྟེན་འཕེལ་བར་མི་བྱའོ།། འཇིག་རྟེན་པ་ཡི་ཡང་དག་ལྷ།། ཆེན་པོ་སུ་ལ་ཡོད་གྱུར་པ།། དེ་ནི་ཚེ་རབས་སྟོང་དུ་ཡང་།། ངན་འགྲོར་འགྲོ་བར་མི་འགྱུར་རོ།། བགསེ།
142b3 པ་ལ་སྦྱོར་བྱེད་པ།། སྐྱེ་བོ་བྱིས་པ་བསམ་བརླག་ཡིན།། ཚོང་དཔོན་ནོར་རྣམས་བསྲུང་བ་ལྟར།། མཁས་པས་བག་དང་ལྡན་པར་བྱ།། བག་མེད་པ་ལ་མི་སྦྱོར་ཞིང་།། འདོད་ལ་དགའ་བ་མི་སོགས་དང་།། རྟག་ཏུ།
142b4 བག་ཡོད་སེམས་བྱེད་པ།། ཟག་པ་ཟད་པ་ཐོབ་པར་འགྱུར།། ཟག་པ་ཟད་པ་མ་ཐོབ་ཀྱང་།། དུས་འདིར་བག་མེད་མི་བྱ་སྟེ།། རི་དགས་མ་ཡིས་སེང་གེ་ལྟར།། བག་མེད་པ་དག་གསད་པར་འགྱུར།། བག་མེད་པ
142b5 རོལ་བུད་མེད་སྟེན་བྱེད་པའི།། མི་གང་ཡིན་པ་གནས་སྐབས་འདི་བཞི་འབྱུང་།། བསོད་ནམས་མི་འཐོབ་བདེ་བར་མི་ཉལ་དང་།། གསུམ་པ་སྨར་འགྱུར་བཞི་པ་དམྱལ་བར་འགྱུར།། བསོད་ནམས་མཐོས
142b6 སྡིག་པའི་འགྲོ་བ་དང་།། འཇིགས་དང་བག་ཆ་ལྷན་ཅིག་བདེ་བ་ཆུང་།། རྒྱལ་པོའི་ཆེད་པ་ཆེན་པོས་གཅོད་འགྱུར་ཞིང་།། ལུས་ཞིག་སེམས་ཅན་དམྱལ་བ་རྣམས་སུ་འཚེད།། གང་ཞིག་བདག་བདེ་ལྟ་འདོད
142b7 པ།། དེས་ནི་གོང་མ་བཞིན་དུ།། བྱིས་པ་ཤིང་རྟ་བཞིན་འགྱུར་པས།། བརྟན་པས་བརྩོན་འགྲུས་ཞན་མི་བྱ།། དཔེར་ན་བྱིས་པའི་ཤིང་རྟ་དག། ལམ་ཆེན་བཟང་པོ་བོར་ནས་སུ།། ལམ་ངན་དག་ཏུ་འགྲོ་བྱེད་པས
iiif viewer powered by OpenSeadragon
