| e-texts navigator |
| Wylie |
142a1 ཕྲ་རྒྱས་མ་བཏོན་ན།། ཡང་དང་ཡང་དུ་སྡུག་བསྔལ་འདི་མི་ལྡོག། དཔེར་ན་བདག་ཉིད་ཀྱིས་ནི་བྱས་པའི་མཚོན།། དེ་ཡིས་རྐུན་པོའི་མཐུ་ཡིས་བདག་གསོད་ལྟར།། དེ་བཞིན་ནང་ནི།
142a2 སེམས་ལས་བྱུང་བ་ཡི།། སྲེད་པས་ལུས་ཅན་ཉེ་བར་གསོད་པར་བྱེད།། དེ་ལྟར་སྲེད་ལས་སྡུག་བསྔལ་བདག། འབྱུང་བའི་ཉེས་དམིགས་ཤེས་གྱིས་ཏེ།། སྲེད་སྤོངས་ཉེ་བར་ལེན་མེད་དང་།། དྲན་ལྡན་དགེ་སློང་ཀུན
142a3 ཏུ་རྒྱུ་ས།། སྲེད་པའི་ཚེམས་ཏེ་གསུམ་པའོ།། ། བག་ཡོད་འཆི་མེད་གནས་ཡིན་ཏེ།། བག་མེད་པ་ནི་འཆི་བའི་གནས།། བག་ཡོད་འཆི་བར་མི་འགྱུར་ཏེ།། བག་མེད་པ་ནི་རྟག་ཏུ་འཆི།།
142a4 དེ་ཡི་ཁྱད་པར་དེ་རིག་པས།། མཁས་པ་རྣམས་བག་དང་བཅས།། བག་ཡོད་པ་ལ་རབ་དགའ་བ།། འཕགས་པའི་སྤྱོད་ཡུལ་དགའ་བ་ཡིན།། དེ་ལ་རྒྱུན་ཏུ་བསྒོམས་པ་དང་།། རྟག་ཏུ་ཕ་རོལ་གནོན་བརྟན་པའི།
142a5 བརྟན་པས་གྲུབ་བདེ་བླ་ན་མེད།། མྱ་ངན་འདས་ལ་རེག་པ་ཡིན།། གང་ཚེ་མཁས་པས་བག་ཡོད་པས།། བག་མེད་བཅོམ་པ་དེ་ཡི་ཚེ།། ཤེས་རབ་ཁང་བཟངས་སྟེང་འཛེགས་ནས།། མྱ་ངན་མེད་པས་གདུང
142a6 བཅས་དང་།། བཅན་རྣམས་རི་བོའོ་སྤོ་ཀ་ལས།། ས་སྟེང་བྱིས་པ་རྣམས་ལ་ལྷ།། བརྩོན་འགྲུས་དང་ནི་བག་ཡོད་དང་།། ཡང་དག་སྡོམ་དང་དུལ་བ་ཡིས།། མཁས་པས་གླིང་དུ་བྱས་ནས་ནི།། ཆུ་བོ་ཆེན་པོ
142a7 མངོན་དུ་ཟློག། བརྩོན་འགྲུས་ལྡན་ཞིང་དྲན་དང་ལྡན་པ་དང་།། སྤྱོད་པ་གཙང་ཞིང་བརྟགས་ནས་བྱེད་པ་དང་།། ཡང་དག་སྡོམ་དང་ཆོས་ཀྱི་འཚོ་བ་དང་།། བག་ཡོད་རྣམས་ཀྱིས་གྲགས་པ་མངོན་པར་འཕེལ།
iiif viewer powered by OpenSeadragon
