| e-texts navigator |
| Wylie |
140a1 སྨོན་ལག་ནས་མ་བོར་བ།། མཇུག་ཏུ་བྱིས་པ་སྲེག་བྱེད་བཞིན།། ནོར་བུའི་རྣ་ཆ་བུ་མོ་ལ།། ཡོངས་སུ་ཆགས་སེམས་གང་ཡིན་ལ་བལྟོས་ན།། ལྕགས་ཤིང་གྲེ་ས་མ་ལས།
140a2 བྱས་ཆིངས་མ་གང་།། དེ་དག་དམ་པོ་མིན་ཞེས་འཕགས་པས་གསུངས།། འདོད་པའི་ཆིངས་མ་གང་ཡིན་དེ་ལྷོད་ཀྱག།། རབ་ཏུ་དགྲོལ་བར་དཀའ་ཞེས་འཕགས་པས་གསུངས།། བརྟན་རྣམས
140a3 འདོད་པའི་བདེ་ལ་མི་བལྟ་བར།། དེ་དག་གཏུབས་ནས་མྱུར་དུ་འགྲོ་བར་བྱེད།། འཇིག་རྟེན་སྣ་ཚོགས་གང་དེ་འདོད་མིན་གྱི།། སྐྱེས་བུའི་ཀུན་རྟོག་འདོད་ཆགས་འདོད་པ་ཡིན།། འཇིག་རྟེན་སྣ་ཚོགས་དེ
140a4 བཞིན་གནས་ཀྱང་ནི།། འོན་ཀྱང་བརྟན་རྣམས་འདི་ལ་འདུན་པ་འདུལ།། མི་རྣམས་ལ་ནི་རྟག་པའི་འདོད་པ་མེད།། འདོད་ཅན་གང་ལ་ཆགས་ཏེ་མི་རྟག་པས།། ཡང་སྲེད་མེད་ཕྱིར་སེམས་ཀྱིས་རབ
140a5 སྤོངས་ལ།། འཆི་བའི་གནས་མི་འགྱུར་བར་བྱོས་ཞེས་གསུངས།། འདུན་པ་སྐྱེས་ཤིང་ཟག་པར་མི་བྱེད་དང་།། སེམས་ལ་སྐྱོན་མེད་པ་དང་དྲན་པ་དང་།། འདོད་པ་རྣམས་ལ་སོ་སོར་མ་ཆགས་གང་།།
140a6 དེ་ནི་གོང་དུ་འཕོ་བ་ཡིན་ཞེས་གསུངས།། མགར་བ་ཡིས་ནི་དངུལ་བཞིན་དུ།། བློ་གྲོས་ལྡན་པས་རིམ་པ་བཞིན།། སྐད་ཅིག་སྐད་ཅིག་ཅུང་ཟད་ཙམ།། རང་གི་དྲི་མ་བསལ་བར་བྱ།། ལྷམ་མཁན་གྱིས
140a7 ནི་ཀོ་བ་དག། ཡོངས་སུ་སྦྱངས་ནས་ལྷམ་བྱེད་ལྟར།། འདོད་པ་གང་དང་གང་སྤངས་པ།། དེ་དེ་བདེ་བ་ཕུན་སུམ་ལྡན།། གལ་ཏེ་བདེ་བ་ཀུན་འདོད་ན།། འདོད་པ་ཐམས་ཅད་ཡོངས་སུ་སྤོངས།། འདོད་པ
iiif viewer powered by OpenSeadragon
