| e-texts navigator |
| Wylie |
138b1 པའི།། བྱིས་པ་རྣམས་ལ་འཁོར་བ་རིང་།། བདག་ལ་བུ་ཡོད་དེ་བཞིན་དུ།། ནོར་ཡོད་ཅེས་པས་བྱིས་པ་བརླག། ཕྱི་རོལ་ནང་ན་བདག་མེད་ན།། སུ་ཡི་བུ་ཡིན་ཅི་ཞིག་ནོར།། སྐྱེས་པ་བུད་མེད་རྣམས་ཀྱི་རིགས།
138b2 བརྒྱ་དང་སྟོང་ཕྲག་མང་པོ་དང་།། ལོངས་སྤྱོད་ལེགས་པར་བསྒྲུབས་པ་ཡང་།། འཆི་བདག་དབང་དུ་འགྲོ་བར་འགྱུར།། བསགས་པ་ཀུན་གྱི་མཐའ་ཟད་ཅིང་།། བསླང་བའི་མཐའ་ནི་འགྱེལ་བར་འགྱུར།། ཕྲད་པ།
138b3 མཐའ་ནི་འབྲལ་བ་སྟེ།། གསོན་པའི་མཐའ་ནི་འཆི་བ་ཡིན།། གསོན་མཐའ་འཆི་བ་ཡིན་པས་ན།། སེམས་ཅན་ཐམས་ཅད་འཆི་འགྱུར་ཞིང་།། དགེ་སྡིག་འབྲས་བུ་ཉེར་འགྲོ་བའི།། ཇི་བཞིན་ལས་ཀྱི་རྗེས
138b4 སུ་འབྲང་།། སྡིག་པའི་ལས་ཀྱིས་དམྱལ་བ་དང་།། བསོད་ནམས་བྱས་པས་བདེ་འགྲོ་སྟེ།། གཞན་དག་གིས་ནི་ལམ་བསྒོམས་པས།། ཟག་མེད་མྱ་ངན་འདས་པར་འགྱུར།། གང་ཡང་སངས་རྒྱས་རང་སངས་རྒྱས།།
138b5 སངས་རྒྱས་རྣམས་ཀྱི་ཉན་ཐོས་ཀྱང་།། སྐུ་ལུས་འདིན་སྤོང་མཛད་ན།། སྐྱེ་བོ་ཕལ་བ་སྨོས་ཅི་དགོས།། གང་དུ་གནས་ཀྱང་འཆི་བས་མི་ཚུགས་པའི།། ས་ཕྱོགས་དེ་ནི་ཡོད་པ་མ་ཡིན་ཏེ།། བར་སྣང་ལ་མེད་རྒྱམ
138b6 ནང་ན་མེད།། རི་བོ་རྣམས་ཀྱི་གསེབ་ཏུ་ཞུགས་ནའང་མིན།། བྱུང་དང་འབྱུང་བར་འགྱུར་བ་ཇི་སྙེད་པ།། ཀུན་གྱིས་ལུས་འདི་བཏང་ནས་འགྲོ་བ་དང་།། དེ་ཀུན་འཇིག་པར་མཁས་པས་རྟོགས་གྱིས་ཏེ།། ཆོས་ལ
138b7 གནས་ཀྱིས་ཚངས་པར་སྤྱད་པ་སྤྱོད།། རྒ་བ་མཐོང་ཞིང་ནད་ཀྱིས་སྡུག་བསྔལ་དང་།། སེམས་དང་བྲལ་བའི་ཤི་བ་མཐོང་ནས་ནི།། བརྟན་པས་བཙོན་ར་འདྲ་བའི་ཁྱིམ་སྤངས་ཀྱི།། འཇིག་རྟེན་ཕལ་པས
iiif viewer powered by OpenSeadragon
