| e-texts navigator |
| Wylie |
135a1 ཏེ་གཏན་ལ་བབ་པའོ།། སའི་སྟེང་དུ་ཉི་མ་དང་ཟླབ་ལྟར་གྱུར་ཅིག།། རྒྱ་གར་སྐད་དུ། པཉྩ་ཤིཀྵཱ་རུ་སཾ་ས་སུ
135a2 བོད་སྐད་དུབསླབ་པ་ལྔའི་ཕན་ཡོན་གྱི་མདོ།། འཕགས་པ་དཀོན་མཆོག་གསུམ་ལ་གུས་པས་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་གརྒ་ར་དང་། ཆུ
135a3 སྲིན་བྱིས་པ་གསོད་ཀྱི་རི་དང་། སྨན་གྱི་ནགས་རི་དགས་རྒྱུ་བའི་གནས་ན་བཞུགས་སོ།། དེ་ནས་བཅོམ་ལྡན་འདས་སྔ་དྲོའི་དུས་སུ་ཆོས་གོས་གྱོན། ལྷུང་བཟེད་ཐོགས་ཏེ། ཕན་ཀུ་ལའི་ཁྱིམ་བདག་གང་།
135a4 ན་ཡོད་པའི་གནས་དེར་ཤིང་ཉེ་བར་གཤེགས་ཏེ། གདན་བཤམས་པ་ལ་བཞུགས་སོ།། དེ་ནས་ཡང་ཕ་ན་ཀུ་ལིའི་ཁྱིམ་བདག་དང་། མན་ཀུ་ལའི་ཁྱིམ་བདག་མོས། བཅོམ་ལྡན་འདས་ག་ལ་བ་དེར
135a5 སོང་ནིང་ཉེ་བར་སོང་ནས། བཅོམ་ལྡན་འདས་ལ་ཕྱག་བྱས་ཏེ། ཕྱོགས་གཅིག་ཏུ་འཁོད་དོ།། ཕྱོགས་གཅིག་ཏུ་འཁོད་ནས། ཕན་ཀུ་ལའི་ཁྱིམ་བདག་དེས། བཅོམ་ལྡན་འདས་ལ་འདི་སྐད་ཅེས
135a6 གསོལ་ཏོ།། གང་གི་ཚེ་བཙུན་པ་བཅོམ་ལྡན་འདས། མ་ན་ཀུ་ལའི་ཁྱིམ་བདག་མོ་བདག་ཁྱེའུའི་དུས་སུ་བུ་མོ་གནོར་ནུ་མབླངས་ཏེ། མ་ན་ཀུ་ལའི་ཁྱིམ་བདག་མོ་ལས་ལོག་པར་གཡེམ་པའི་སེམས་མ་སྐྱེས་སོ།།
135a7 ལུས་ཀྱི་སྐྱོན་གང་ཡང་མ་བྱུང་བ་ལས་བཙུན་པ་བཅོམ་ལྡན་འདས་མཐོང་བའི་ཆོས་འདི་ལ་ཕན་ཚུན་དུ་མཐོང་ངོ་།། སྐྱེ་བ་གཞན་དུ་ཕན་ཚུན་དུ་མཐོང་བར་བདག་འདོད་དོ།། མ་ན་ཀུ་ལའི་ཁྱིམ་བདག་མོས།།
iiif viewer powered by OpenSeadragon
