| e-texts navigator |
| Wylie |
80a1 བསོད་རྣམས་ཀྱང་ཚད་མེད་མཐའ་མེད་དོ།། དཔེར་ན་རྒྱ་མཚོ་ནི་ལྷ་མ་ཡིན་དང་། རུས་སྦལ་དང་། ཆུ་སྲིན་དང་། ཆུའི་རིས་སུ་གཏོགས་པའི་སེམས་ཅན་ཆེན
80a2 པོའི་གནས་སུ་གྱུར་པ་ལྟར། ཚུལ་ཁྲིམས་ཀྱང་དེ་དང་འདྲ་སྟེ། ཐེག་པ་གསུམ་ལ་གནས་པའི་སྐྱེ་བོ་ཆེན་པོ་མང་དུ་གནས་སོ།། དཔེར་ན་རྒྱ་མཚོའི་ནང་ན། གསེར་དང་། དངུལ་དང་།
80a3 བཻ་ཌཱུཪྻ་ལ་སོགས་ཏེ། རིན་པོ་ཆེ་མང་པོ་ཡོད་པ་བཞིན་དུ། ཚུལ་ཁྲིམས་ཀྱི་རྒྱ་མཚོ་ཡང་དེ་དང་འདྲ་སྟེ། མི་རྟག་པ་བཞི་དང་། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང་། བསམ
80a4 གཏན་དང་། ཏིང་ངེ་འཛིན་ལ་སོགས་པའི་རིན་པོ་ཆེ་མང་པོ་ཡོད་དོ།། དཔེར་ན་རྒྱ་མཚོ་ཆེན་པོའི་གཏིང་ཡང་རྡོ་རྗེ་ཡིན་ལ། མཐའ་མ་ཡང་རྡོ་རྗེའི་རིས་བསྐོར་ཏེ། ཆུ་བོ་བཞི་འབབ་ཀྱང་མི
80a5 འགྲིབ་མི་འདུད་པ་ལྟར། ཚུལ་ཁྲིམས་ཀྱི་རྒྱ་མཚོ་ཡང་དེ་དང་འདྲ་སྟེ། འདུལ་བ་རྡོ་རྗེ་ལྟ་བུས་ནི་གཏིང་བྱས། ཆོས་མངོན་པའི་རིས་ནི་མཐའ་བསྐོར། མདོ་སྡེ་བཞི་ཆུ་བོ་ལྟ་བུར་འབབ
80a6 ཀྱང་འཕེལ་བ་ཡང་མེད། འགྲིབ་པ་ཡང་མེད་དོ།། རྒྱ་མཚོ་ཅིའི་ཕྱིར་མི་འདུད་ཅེ་ན། མཚམས་མེད་པའི་སེམས་ཅན་དམྱལ་བའི་མེས་རྒྱ་མཚོ་བ་སམས་པས། དེའི་ཕྱིར་རྒྱ་མཚོ
80a7 མི་འདུད་དོ།། ཆུ་བོ་རྟག་ཏུ་འབབ་པས་ནི་མི་འགྲིབ་བོ།། ཚུལ་ཁྲིམས་ཀྱི་རྒྱ་མཚོ་ཡང་བག་ཡོད་པས་མི་སྐྱེ། ཡོན་ཏན་དང་ལྡན་པས་མི་འགྲིབ་བོ།། དེ་བས་ན་གང་ཚུལ་ཁྲིམས་སྲུང་བ
iiif viewer powered by OpenSeadragon
