| e-texts navigator |
| Wylie |
40a1 སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ་ཀུན་དགའ་བོ་བསོད་སྙོམས་ཀྱི་བྱ་བ་བྱས་ནས། ཚལ་ཞིག་གི་ནང་ན་བསམ་གཏན་དུ་འདུག་སྟེ། འདི་སྙམ་དུ་རྟོག
40a2 པ་སྐྱེས་སོ།། སངས་རྒྱས་བཅོམ་ལྡན་འདས་འཇིག་རྟེན་དུ་གཤེགས་པ་ངོ་མཚར་ཆེ་སྟེ། སེམས་ཅན་མང་པོ་ཡང་རབ་ཏུ་བདེ་བ་ལ་བཀོད། ཀོའུ་དི་ནྱ་ལ་སོགས་པའི་དགེ་སློང་སྟེན་ལྔ་དགེ་བའི།
40a3 རྩ་བ་ཅིར་བསྔོས་ན། ཆོས་ཀྱི་སྒོ་རྣམ་པར་ཕྱེ་མ་ཐག་ཏུ་འཇུག་པར་གྱུར། ཆོས་ཀྱི་རྔ་བརྡུངས་མ་ཐག་ཏུ་ཐོག་མར་གྱུར། ཆོས་ཀྱི་བདུད་རྩིས་ཐོག་མར་ངོམས་པར་གྱུར་སྙམ་རྟོག་པ་སྐྱེས་ནས
40a4 འདུག་པ་ལས་ལངས་ཏེ་སངས་རྒྱས་གང་ན་བ་དེར་སོང་ནས་ཕྱིན་པ་དང་། ཇི་ལྟར་བསམས་པ་བཞིན་དུ་བཅོམ་ལྡན་འདས་གསོལ་ཏོ།། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ཀོའུ་དི།།
40a5 ནྱ་ལ་སོགས་པ་ནི་སྔོན་འདས་པའི་དུས་ན་ཡང་ངས་ཤ་དང་ཁྲིག་གིས་བཀྲེས་སྐོམ་པ་ལས་ཆོག་པར་བྱིན་ཏེ། བདེ་བར་བྱས་པས་དེ་བས་ན་ང་མངོན་པར་སངས་རྒྱས་ནས་ཀྱང་སྔར་རྣམ་པར་གྲོལ་བ
40a6 ལ་བཀོད་དེ། རྒྱུ་དང་རྐྱེན་མེད་པ་མ་ཡིན་ནོ།། ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་གསོལ་པ། སྔོན་འདས་པའི་དུས་ན་ཇི་ལྟ་བུར་བཀྲེས་སྐོམ་པ་ལས་བདེ་བ་མཛད་པ་བསྟན་དུ
40a7 གསོལ། འཁོར་མང་པོ་འདི་དག་གིས་ཐོས་ན་རྟོགས་པར་འགྱུར་རོ།། བཅོམ་ལྡན་འདས་ཀྱིས་བཀའ་སྩལ་པ། སྔོན་འདས་པའི་དུས་ན་བསྐལ་པ་གྲངས་མེད་པའི་ཕ་རོལ་ན། འཛམ་བུའི་གླིང
iiif viewer powered by OpenSeadragon
