| e-texts navigator |
| Wylie |
271b1 དག་ནི་ཆོས་འདུལ་བ་འདི་ལ་སྙིང་པོ་ཡིན་ནོ།། ཀུན་དགའ་བོ་དགེ་སློང་ཚུལ་ཁྲིམས་འཆལ་པ་རྣམས་ཀྱིས་དགེ་སློང་ཚུལ་ཁྲིམས་དང་ལྡན་པ་རྣམས་ལ་གཤེ་ཞིང་མཚང་འདྲུ་བར
271b2 འགྱུར་ཏེ། དེ་དག་ཐམས་ཅད་ནི་ལུས་དང་བྲལ་ཞིང་། འཆི་བའི་འོག་ཏུ་ངན་འགྲོ་ངན་སོང་དུ་རྣམ་པར་ལྷུང་ནས་སྡུག་བསྔལ་བར་འགྱུར་རོ།། དེའི་ཚེ་གང་ཞིག་ཁྲོ་བ་མེད་པར་བྱེད་པར་གྱུར།
271b3 པ་དེ་དག་ཐམས་ཅད་ནི་བདེ་འགྲོ་རྣམས་སུ་སྐྱེ་བར་འགྱུར་རོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང་། དགེ་སློང་དེ
271b4 དག་དང་། ཐམས་ཅད་དང་ལྡན་པའི་འཁོར་དེ་དག་དང་། ལྷ་དང་། མི་དང་། ལྷ་མ་ཡིན་དང་། ནམ་མཁའ་ལྡིང་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན
271b5 འདས་ཀྱིས་གསུངས་པ་ལ་མངོན་པར་བསྟོད་དོ།། འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ་རྫོགས་སོ།། །། རྒྱ་གར་གྱི་མཁན་པོ་ཀ་མ་ཏ་དང
271b6 ཞུ་ཆེན་གྱི་ལོ་ཙ་བ་དགེ་སློང་རིན་ཆེན་བཟང་པོས་བསྒྱུར།། རྒྱ་གར་སྐད་དུ། ཀརྨ་པྲད་ཉྫ་བ་ཏི། བོད་སྐད་དུ། ལས་གདགས
271b7 དཀོན་མཆོག་གསུམ་ལ་ཕྱག་འཚལ་ལོ།། སྡོམ་ནི། ཆེད་དུ་བྱས་དང་སེམས་པ་དང་།། འདས་པ་དང་ནི་དགེ་བ་དང་།། དམིགས་པ་དང་ནི་འདོད་པའི་ཁམས།། ཚིགས་སུ་བཅད་དང
iiif viewer powered by OpenSeadragon
