| e-texts navigator |
| Wylie |
270a1 ཐོས་རྣམས་ཀྱང་རྙེད་པ་དང་། བཀུར་སྟི་དང་། ཚིགས་སུ་བཅད་པ་ལྷུར་ལེན་པར་འགྱུར་རོ།། ཀུན་དགའ་བོ་ང་ཡོངས་སུ་མྱ་ངན་ལས་འདས་ནས་ལོ་བརྒྱ་ཕྲག
270a2 བརྒྱད་པ་ལ་ནི། བསྟན་པ་ལ་ཞལ་ཏ་བྱེད་པར་འགྱུར་རོ།། ངའི་ཉན་ཐོས་རྣམས་ཀྱང་ཕན་ཚུན་གནོད་པ་བྱེད་པར་འགྱུར་ཞིང་། ཡི་གེ་ལ་སེམས་པར་ལྟ་བ་ལ་མཁས་པ་དང་། མཁན
270a3 པོ་དང་། སློབ་དཔོན་ལ་མ་གུས་པ་དང་། ཤེས་བཞིན་མེད་པར་གནས་པར་འགྱུར་བ་དང་། སྒྱུ་དང་ལྡན་ཞིང་རང་ཉིད་སྐྱེས་བུ་ངན་པའི་ཚིག་ཏུ་སྨྲ་བ་དང་། དགེ་འདུན་དང་། མཆོད
270a4 རྟེན་གྱི་ནོར་ཁྱིམ་ན་གནས་པ་དང་། རྒྱལ་པོའི་ཕོ་ཟང་དུ་བསྡུ་བ་བྱས་ནས་རྣམ་པར་འཇིག་པར་བྱེད་པར་འབྱུང་བར་འགྱུར་རོ།། ཀུན་དགའ་བོང་ཡོངས་སུ་མྱ་ངན་ལས་འདས་ནས་ལོ་བརྒྱ
270a5 ཕྲག་དགུ་པ་ལ་ནི། བསྟན་པ་ལས་སྙིང་པོར་བྱེད་པར་འགྱུར་རོ།། ངའི་ཉན་ཐོས་རྣམས་ཀྱང་ཁྱིམ་གྱི་བྱ་བའི་ལས་བྱེད་པ་ལ་བརྩོན་པར་འགྱུར་ཏེ། ཞིང་གི་ལས་ཀྱི་མཐའ་ལ་དགའ
270a6 བ་དང་། ཉོ་ཚོང་ལ་མངོན་པར་དགའ་བ་དང་། འདོད་པ་ལ་རབ་ཏུ་འཇུག་ཅིང་། བོ་ཉར་གཏོང་བས་འཚོ་བ་སྒྲུབ་པར་འགྱུར་བ་དང་། ལེ་ལོ་ཅན་དུ་འགྱུར་བ་དང་། དེ་བཞིན་གཤེགས
270a7 པས་ལེགས་པར་བཅས་པའི་བསླབ་པ་རྣམས་བསྲུང་བར་མི་འགྱུར་རོ།། ཀུན་དགའ་བོ་ང་ཡོངས་སུ་མྱ་ངན་ལས་འདས་ནས་ལོ་སྟོང་གིས་ནི་བསྟན་པ་ལ་གཏམ་གྱིས་སྙིང་པོར་བྱེད་པར་འགྱུར།
iiif viewer powered by OpenSeadragon
