| e-texts navigator |
| Wylie |
268b1 སོང་དུ་སྐྱེའོ་ཞེས་ཟེར་བ་དགག་པའི་ཕྱིར་མེ་ལོང་གི་དཔེ་བསྟན་ཏེ། མེ་ལོང་ལ་བཞིན་ཅི་འདྲ་བ་སྣང་བ་བཞིན་དུ་དགེ་བ་དང་མི་དགེ་བའི་འབྲས་བུ་འདྲ་བ་བསྣོལ་ནས་མི་འདྲ་བར་སྦྱོར་བ་འགལ
268b2 བའི་ཕྱིར་རོ།། སྒྲའི་དཔེ་ལ་ནི་བྱེད་པ་པོས་བྱས་པ་མ་ཡིན་ཏེ། མིས་སྐད་མ་བསྒྲགས་པར་བྲག་ཆ་མི་འབྱུང་བ་བཞིན་དུ། བྱེད་པ་པོས་མ་བྱས་པར་སེམས་ཅན་རྣམས་མི་སྐྱེའོ་ཞེས
268b3 ཟེར་བ་དེ་བསལ་བའི་ཕྱིར་སྒྱུར་གྱི་དཔེ་བསྟན་ཏེ། སྔར་འཐུངས་པ་དང་ཟ་མྱོང་བའི་ཕྱིར་བརྗོད་པས་འགྲམ་ཆུ་ལྡང་བ་བཞིན་དུ། ལས་དང་ཉོམ་མོངས་པ་སྔར་སྤྱད་པའི་དབང་གིས
268b4 ཕྱིས་སྐྱེ་བ་ལེན་ནོ།། ཀྱེ་རྒྱལ་པོ་ཆེན་པོ་སེམས་ཅན་སྐྱེ་བ་དང་། འཇིག་རྟེན་འདི་དང་ཕ་རོལ་ཏུ་འཕོ་བ་དང་། ཇི་ལྟར་འགྱུར་བ་དག་ནི་དེ་ལྟར་མཁྱེན་པར་མཛོད་ཅིག། བཅོམ
268b5 ལྡན་འདས་ཀྱིས་དེ་སྐད་ཅེས་བཀའ་སྩལ་པ་ལ་འཁོར་འདུས་པ་ཐམས་ཅད་ཡི་རངས་ཏེ་མངོན་པར་བསྟོད་དོ།། འཆི་འཕོ་བ་ཇི་ལྟར་འགྱུར་བ་བསྟན་པའི་མདོ་རྫོགས
268b6 སོ།། །། བསྟན་པ་སྔ་དར་བའི་ཚེ་འགྱུར་བ་ལ་ས་སྐད་ག་ས་ར་བཅད་ཀྱིས་མ་བཅོས་པའོ།། ། @།
268b7 གར་སྐད་དུ། ཨཱརྱ་མ་ཧཱ་པ་རི་ནི་ར་བཱ་ན་སཱུ་ཏྲ། བོད་སྐད་དུ། འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག
iiif viewer powered by OpenSeadragon
