| e-texts navigator |
| Wylie |
252b1 ལོ་བདུན་ལོན་པ་དང་། བྲམ་ཟེའི་ཁྱིམ་དུ་སོང་སྟེ། བྲམ་ཟེ་དེ་ལ་བུ་བསླངས་པ་དང་། བྲམ་ཟེ་དེས་ཀྱང་ཤཱ་རིའི་བུ་ལ་ཕུལ་ལོ།། ཤཱ་རིའི་བུས་ཀྱང་བུ་དེ་བཞེས་ནས་རྒྱལ་བྱེད་ཀྱི་ཚལ་དུ
252b2 ཁྲིད་དེ་དགེ་ཚུལ་དུ་བཅུག་ནས། དམ་པའི་ཆོས་རྣམ་པ་སྣ་ཚོགས་བསྟན་པས་སེམས་རྣམ་པར་གྲོལ་ཏེ། དགྲ་བཅོམ་པར་གྱུར་ནས་མངོན་པར་ཤེས་པ་དྲུག་དང་། ཡོར་བདག་ཀུན་དང
252b3 ལྡན་པར་གྱུར་ཏོ།། དུས་གཞན་ཞིག་ན་དགེ་ཚུལ་གྱུན་ཏེ་ཤེས་རབ་ཀྱི་སྟོབས་ཀྱིས་ཚེ་སྔ་མ་ལ་ཅི་ཞིག་བྱས་པས་ལུས་འདི་ཐོབ་ནས་སློབ་དཔོན་དང་ཕྲད་དེ། འབྲས་བུ་ཐོབ་པར་གྱུར་པ་བརྟགས་ན།།
252b4 ཚེ་སྔ་མ་ལ་ཁྱི་ལྟོགས་པ་ཞིག་བྱེད་པ་ལས། བདག་གི་སློབ་དཔོན་ཤཱ་རིའི་བུའི་དྲིན་གྱིས་མིའི་ལུས་དང་འབྲས་བུ་ཐོབ་པར་མཐོང་ཞིང་རྟོགས་ནས་རབ་ཏུ་དགའ་སྟེ། འདི་སྙམ་དུ་བསམས་སོ།། །
252b5 བདག་ནི་སློབ་དཔོན་འདིའི་དྲིན་གྱིས་སྡུག་བསྔལ་ལས་ཐར་པར་གྱུར་ཏོ།། ད་བདག་ནམ་འཚོའི་བར་དུ་སློབ་དཔོན་གྱི་བསྙེན་བཀུར་བྱ་བའི་ཕྱིར་དགེ་ཚུལ་བྱའི། བསྙེན་པར་རྫོགས
252b6 པར་མི་བྱའོ་སྙམ་བསམས་སོ།། དེའི་ཚེ་ཀུར་དགའ་བོས་བཅོམ་ལྡན་འདས་ལ་གསོལ་ཏོ།། དགེ་ཚུལ་འདིས་སྔོན་འདས་པའི་དུས་ན། སྡིག་པའི་ལས་ཅི་བགྱིས་པས
252b7 ཁྱིའི་ལུས་སུ་གྱུར། དགེ་བའི་རྩ་བ་ཅི་བགྱིས་ན་རྣམ་པར་གྲོལ་བར་གྱུར། བཅོམ་ལྡན་འདས་ཀྱིས་ཀུན་དགའ་བོ་ལ་བཀའ་སྩལ་པ། སྔོན་འདས་པའི་དུས་ན་སངས་རྒྱས་འོ།།
iiif viewer powered by OpenSeadragon
