| e-texts navigator |
| Wylie |
252a1 དུ་ཚོང་ལ་འདོང་བས་ཁྱི་གཅིག་ཁྲིད་དོ།། ལམ་དུ་ཁྱི་དེས་ཚོང་པ་ཞིག་གི་ཤ་བརྐུས་པ་དང་། ཚོང་པ་དེ་ཁྲོས་པས་ཁྱིའི་རྐང་པ་བཅག་ནས་འབྲོག་སྟོང་པར་བོར་ཏེ་སོང་ངོ་།།
252a2 དེ་ནས་ཤཱ་རིའི་བུས་ལྷའི་མིག་གིས་བརྟགས་ན། ཁྱི་དེ་ལྟོགས་པ་མཐོང་ནས། ཆོས་གོས་གྱོན། ལྷུང་བཟེད་ཐོགས་ཏེ། བསོད་སྙོམས་བསློངས་ནས་དེ་མ་ཐོག་ཏུ་ནམ་མཁའ་ལ་འབུར།།
252a3 ཁྱིའི་གམ་དུ་སོང་ནས། བྱམས་ཤིང་སྙིང་བརྩེ་བའི་སེམས་བསྐྱེད་དེ། ཁ་ཟས་ཀྱིས་ཁྱི་དེ་བསྙོད་དོ།། ཁྱོ་དེ་ཁ་ཟས་ཟོས་ནས་ལྷག་པར་དགའ་སྟེ། ཤཱ་རིའི་བུས་ཁྱི་ལ་དམ་པའི་ཆོས
252a4 བསྟན་ནས་ཁྱི་དེའང་དེའི་ཚེ་འཕོས་ཏེ། མཉན་དུ་ཡོད་པར་བྲམ་ཟེ་ཞིག་གི་བུར་སྐྱེས་སོ།། དུས་གཞན་ཞིག་ན་ཤཱ་རིའི་བུ་གཅིག་པུ་བསོད་སྙོམས་ལ་སོང་སྟེ། བྲམ་ཟེ་དེའི་སྒོར་བྱིན
252a5 པ་དང་། བྲམ་ཟེ་དེས་ཤཱ་རིའི་བུ་ལ་ཅིའི་ཕྱིར་གཅིག་པུ་འགྲོ་བར་བྱེད། དགེ་ཚུལ་ཡང་མེད་དམ་ཞེས་སྨྲས་པ་དང་། ཤཱ་རིའི་བུས་སྨྲས་པ། བདག་ལ་དགེ་ཚུལ་མེད་པས་གཅིག་པུ་འགྲོ།
252a6 བ་ཡིན་ནོ།། ཁྱེད་ལ་བུ་གཅིག་ཡོད་ཅེ་ན། བདག་ལ་སྦྱིན་དུ་རུང་ངམ་ཞེས་སྨྲས་སོ།། བྲམ་ཟེས་སྨྲས་པ། བདག་ལ་གྱུན་ཏེ་ཞེས་བྱ་བ་ཞིག་ཡོད་དེ། ད་དུང་ན་གཞོན་ཏེ། ཆུང་བས
252a7 ཅིའང་མི་ནུས་ཀྱི། ནམ་སྐྱེས་པ་ན་སྦྱིན་ནོ་ཞེས་སྨྲས་སོ།། ཤཱ་རིའི་བུས་དེ་སྐད་ཅེས་སྨྲས་པ་ཐོས་ལས། ཡིད་ལ་བཟུང་སྟེ། ཕྱིར་རྒྱལ་བུ་རྒྱལ་བྱེད་ཀྱི་ཚལ་དུ་འོངས་སོ།། བྱས་དེ
iiif viewer powered by OpenSeadragon
