| e-texts navigator |
| Wylie |
325a1 ན་ཁྱོད་ཀྱིས་ཟུང་ཞིག། ཐོན་ཅིག། ཀུན་ཏུ་ལྷོགས་ཤིག། འདི་ལྟ་སྟེ། ཨཎ་ཌ་རེ་ཀེ་ཡཱུ་རེ་དྷཱི་ཧ་སྟེ་ས་རགེ་བེ་བདྡྷ་མ་ཏི་དྷ་རི་བིཥི་ཙི་ལི་མི་ལི་སཱ་དྷ་ནཱ་ལུ་སྟཱ་ཐཱ་ཡ་སཿ
325a2 གཱི་ལ་གོ་ལ་པ་ཏི་ཀ་ཌ~ཾ་ཙི་ལ། ཀུན་དགའ་བོ་ཡི་གེ་དྲུག་པའི་རིག་སྔགས་འདི་ནི་ཡོངས་སུ་སྲུང་བ་དང་། བདག་ཉིད་བཀྲ་ཤིས་པར་བྱེད་པ་ཡིན་ཏེ། གསོད་པའི་ནི་ཆད་པས་གྲོལ་བར་འགྱུར་རོ།།
325a3 ཆད་པས་བཅད་པ་ནི་བརྒྱད་པས་བྲལ་བར་འགྱུར་རོ།། བརྒྱད་པར་འོས་པ་ནི་ཡང་དེ་བཞིན་དུ་སྨྲས་པས་བྲལ་བར་འགྱུར་རོ།། ཀུན་དགའ་བོ་ངས་ལྷ་དང་བཅས་པ། བདུད་དང་བཅས་པ། ཚངས
325a4 པ་དང་བཅས་པའི་འཇིག་རྟེན་ན། དགེ་སྦྱོང་དང་བྲམ་ཟེར་བཅས་པའི་སྐྱེ་དགུའི་ཚོགས་དང་། ལྷ་དང་མི་རྣམས་ལས་གང་ཞིག་ཡི་གེ་དྲུག་པའི་རིག་སྔགས་འདིས་བསྲུང་བ་བྱས་ནས། བསྲུང
325a5 སྐུད་དཔུང་པ་ལ་བཏགས་ན་བཀྲ་ཤིས་པར་བྱེད་དེ། ལས་ཀྱི་རྣམ་པར་སྨིན་པ་མ་གཏོགས་པར་གཞན་ཟིལ་གྱིས་གནོན་པར་ནུས་པ་དེ་ལྟ་བུ་ཡང་དག་པར་རྗེས་སུ་མ་མཐོང་ངོ་།། དེ་ནས་གདོལ
325a6 པའི་བུ་མོ་གཟུགས་བཟང་མོས་དེ་ཉིད་ཀྱི་མཚན་མོ་ལུས་ཁྲུས་བྱས། གོས་གསར་པ་བགོས་ནས། མུ་ཏིག་གི་དོ་ཤལ་གྱིས་བརྒྱན་ཏེ། གྲོང་ཁྱེར་མཉན་ཡོད་ག་ལ་བ་དེ་ནས་བྱུང་སྟེ་སོང་ནས།
325a7 གྲོང་ཁྱེར་གྱི་སྒོ་དྲུང་དུ་བསྡད་དེ། ཚེ་དང་ལྡན་པ་ཀུན་དགའ་བོ་འོང་བ་ལ་སྡོད་ཅིང་ངེས་པར་འདིར་དགེ་སློང་ཀུན་དགའ་བོ་འོང་ངོ་ཞེས་སེམས་སོ།། དེ་ནས་ཀྱང་ཚེ་དང་ལྡན་པ་ཀུན་དགའ་བོ་སྔ་དྲོའི་དུས་སུ
iiif viewer powered by OpenSeadragon
