| e-texts navigator |
| Wylie |
296a1 ཉོན་མོངས་པའི་རབ་རིབ་དང་ལིང་ཏོག་མ་ལུས་པར་བསལ་བ་འཁོར་བའི་རང་བཞིན་རིག་པ་དང་། ཕྱོགས་ཕྱོགས་ཀྱི་གཙུག་ལག་ཁང་དང་། ཀུན་དགའ་ར་བ
296a2 དང་། རི་དང་ནགས་འདབ་དང་། ཁྲད་ཁྲོད་དང་། ཆུ་དང་། རི་སུལ་དང་། ག་ཤེས་དང་། ནེའུ་གསིང་དང་ཤིང་གི་གྲིབ་མ་རྣམ་པ་སྣ་ཚོགས་ལ་དགྱེས་པ་ཡུལ་དང་ལྗོངས
296a3 དུ་མ་ལ་ཕན་གདགས་པ་སྩོལ་བར་མཛད་པ། ཡང་དག་པའི་དྲན་པ་དང་། ཏིང་ངེ་འཛིན་དང་། དགའ་བ་ཐོབ་པ་ལས་མཉམས་པ། ཕུང་པོ་ལྔ་སྤྱིར་སྐད་ཅིག་པར་ཡང་དག་པར་སོ
296a4 སོར་རྟོག་པའི་ཡིད་ལ་བྱེད་པར་བསྐྱེད་པ། མདོ་དང་། འདུལ་བ་དང་། ཆོས་མངོན་པ་དང་། སྐྱེས་པའི་རབས་དང་། གླེང་གཞི་དང་། ཚིགས་སུ་བཅད་པ་དང་། རྟོགས་པ་བརྗོད
296a5 པ་དང་། དེ་ལྟ་བུ་བྱུང་བ་གཏན་ལ་བབ་པའི་གཏམ་གྱིས་སེམས་སྦྱངས་པ་རང་གི་ལུས་དང་། ངག་དང་ཡིད་ཀྱི་འཇུག་པ་དྲན་པ་ཉེ་བར་གནས་པར་རྒྱུ་བ་དབང་པོ་དང
296a6 སྟོབས་དང་། བྱང་ཆུབ་ཀྱི་ཡན་ལག་དང་བདེར་བ་དང་། འཕགས་པའི་ལམ་དང་། དྲན་པ་ཉེ་བར་གཞག་པ་བསྒོམ་པ་གོམས་པས་དད་པ་ཐོབ་པ་དང་། ཚེ་རབས་གཞན་ན
296a7 བསག་པའི་རྣམ་པར་སྨིན་པས་གྲུབ་པ་ཇི་ལྟར་འབྱོར་པར་ནུས་པ་དང་འཐུན་པའི་རྩོམ་པས་ཚོགས་བསགས་པ། ཕན་ཡོན་ལྔའི་རྒྱུ། སེམས་ཅན་ཐམས་ཅད་གནས་པར་བྱེད་པ།
iiif viewer powered by OpenSeadragon
