| e-texts navigator |
| Wylie |
293b1 བའི་ཡིན།། བུད་མེད་རྐང་གདུབ་འཁྲོལ་བས་འགྲོགས་ནས་འཕུར་བའི་ཕུག་རོན་གནས་པ་ཡིན།། ཁང་པ་མངོན་པོ་རྣམས་དང་འབིགས་བྱེད་རི་རྩེ་འགྲན་པའི་བ་གླང་དང་།། གསུ།
293b2 དང་རྔ་ཡབ་བུད་མེད་གཡོག་འཁོར་རོན་ཆེན་གསེར་དང་རྟ་རྣམས་དང་། བཟང་མཛེས་དེ་དག་ཀུན་ཀྱང་སྔོན་གྱི་སྦྱིན་པའི་དགེ་བའི་རྣམ་སྦྱིན་ཡིན།། བན་དྷ་ཀ་ལྟར་རྩ་དམར་ཆུ་མཆང
293b3 གསེར་སྣོད་བཟང་པོར་ལེགས་བླུགས་པ།། ལོངས་འདྲ་ཨ་མྲ་སྨིན་གས་ལྟ་བུར་དྲི་ཞིམ་ཨུཏྤལ་འགྱིང་ཞིང་ལྡེམ།། ན་ཆུང་ཤིན་མ་ནས་སྒྲོགས་དུས་ཀྱིས་སྐྱོབས་ཤིང་ཡམས་གྲངས་མང
293b4 འགྲིམ་པ།། མཆོག་ཏུ་དགེ་བ་དེ་རྒྱུ་སྦྱིན་པ་ཡིན་ཞེས་བློ་གྲོས་དག་པས་གསུངས།། གསེར་གྱི་ངག་སྐད་སྐེད་བཅིངས་སྙན་སྨྲ་འཛིན་ཞིང་སྨིན་པ་ཡ་གཅིག་སྤྱོད།། མིག་ཡངས་རྔར་ཐུག
293b5 དཀར་གནག་འབྱེས་ལ་སྐྲ་བགབ་མེ་ཏོག་འཕྲེང་དཀྲིགས་པའི།། ན་ཆུང་བཟང་པོ་བརླ་རྒྱས་བདག་ཉིད་ལེགས་བྱས་རྣམས་ཀྱིས་བྲན་ལྟར་བྱེད།། ཚོགས་བསགས་འབྲས་དེ་སྦྱིན་པའི་ཆེ་བ
293b6 ཉིད་ཅེས་ཟས་གཙང་རྒྱལ་པོས་གསུངས།། དེ་ལྟར་ལགས་པས་བདེ་བར་གཤེགས་པའི་གསུང་རབ་མཐའ་དག་ཐུགས་སུ་ཆུད་པ་ཤིན་ཏུ་རྒྱས་པའི་ཆུ་ལྟར་གྱུར་པ་སྙིང་པོ་དྲི་མ་མེད་པ་དང་།
293b7 ལྷའི་སྐྱེ་བོའི་ཀླུའི་གནས་སུ་གྱུར་པ་ཚུལ་ཁྲིམས་འདྲེན་མ་མ་ཡིན་ཞིང་རྒྱ་ཆེ་བའི་ཆུ་དང་ལྡན་པ། དགེ་བ་ལ་རྣམ་པར་རྟོག་པའི་ཟླ་བ་ཤར་བའི་དབང་གིས། ཏིང་ངེ་འཛིན་སྣ་ཚོགས་རྒྱས
iiif viewer powered by OpenSeadragon
