| e-texts navigator |
| Wylie |
292b1 ཉོན་མོངས་གཅོད་པའི་ཆེད་དུ་ཐམས་ཅད་ཀྱིས་ཀྱང་གུས་པར་ཕྱག་མཛོད་ཅིག། ལྕང་ལོ་རྐུན་པོའི་སྒྲ་མང་མགོ་ལ་ཐོགས་ཤིང་དཔུང་མགོ་གཉིས་ཡོག་ལ།། རང་གི་འོད་ཟེར་ཕྱོགས་མཐར་འཕྲོ་བ།
292b2 རྣམས་ཀྱིས་འཇིག་རྟེན་ཀུན་འགེངས་པ།། ལྷ་དབང་བརྒྱ་བྱིན་ཅོད་པར་འདུད་དེ་ཚངས་ལ་ཕྱག་བྱེ་གང་ཡིན་དེ།། བྱིན་ནས་དགའ་བྱས་སེམས་ཀྱི་ཏིང་འཛིན་ཤིན་ཏུ་ཆེན་པོའི་འབྲས་བུ་ཡིན།
292b3 རྡོ་རྗེ་འོད་འཕྲོ་འཕྲེང་བས་དཔུང་རྒྱན་འདྲེས་ནས་མཛེས་གྱུར་ཅིང་།། ལྷ་ལ་བཀའ་སྩོལ་དབང་པོ་མཐོ་རིས་སྐྱོང་བ་གང་ཡིན་པ།། དེ་དག་དགེ་བ་དག་འབྱུང་རྣམ་སྨིན་འགྱུར་དུས་ཉམས་དགའ།
292b4 ཞིང་། མངོན་པར་འདོད་པའི་འབྲས་བུ་ཕུན་སུམ་ཚོགས་པའི་རྒྱུ་རྣམས་ཡིན།། ཁ་ནས་རྒྱགས་འགྱུར་དྲི་ཞིམ་འབྱུང་ཞིང་མིག་གི་མཐའ་དམར་ལ།། དབུགས་འབྱུང་ངོ་ཤལ་གཡས་པས་ནུ
292b5 མ་འབུར་ལ་འདྲུང་བྱེད་པ།། སྡུག་གུ་ལྷན་ཅིག་ནོར་བདག་དགའ་ཚལ་འདུག་པ་གང་ཡིན་པ།། དེ་ཡང་འགྲོ་ཉམས་དགའ་སྦྱིན་པའི་བདག་ཉིད་ཆེན་པོ་ཡིན།། འབྲུག་སྒྲ་སྒྲོག་ཅིང་སྤྲིན་རྣམས་ཆུ་ནི་ཀུན
292b6 ཏུ་ལེན་བྱེད་པ།། རླབས་འབྱུང་དུས་ན་ནོར་བུ་བྷུ་རུ་རུང་དང་ཙ་ཕྱིས་འབྱུང་།། རིན་ཆེན་གནས་ནི་ཚུ་ལ་ཉིད་ཀྱི་འབྱོར་པས་གང་སྲུང་བ།། དེར་ཡང་རྒྱུ་ནི་སྦྱིན་པ་མཆོག་ཅེས་ཐུབ་པས་བཀ
292b7 སྩལ་ཏོ།། གང་ཡང་འོད་ཟེར་རྣམས་ཀྱིས་མཁའ་ལ་སྐར་མའི་འཁོར་ལོ་ཟིལ་མནན་ཅིང་།། ཀུ་མུ་ད་མི་རྫིང་ཡངས་རྣམས་སུ་དཔལ་ནི་རབ་ཏུ་རྣམ་བྱེ་ནས།། གླང་པོའི་ཆེ་བའི་དཔལ
iiif viewer powered by OpenSeadragon
