| e-texts navigator |
| Wylie |
292a1 རྟའི་རྡུལ་དང་བལ་གླང་གི་ཕྲུག་གུའི་རྣ་མཆོག་དང་སྦྲུལ་གྱི་ལྕེ་དང་ཟིལ་པ་དང་རྒྱ་མཚོ་བསྐྱོད་པའི་རླབས་ལྟར་གཡོ་བའི་ཡིད་སྐད་ཅིག་རེ་རེ་ལའང
292a2 མི་སྡོད་པར་འགྲོ་བ། རྩེ་གཅིག་པའི་ཏིང་ངེ་འཛིན་གྱི་སྟོབས་ཀྱིས་ཡུད་ཙམ་ཞིག་རྒྱུ་བ་ནང་དུ་དགག་ཏུ་གསོལ། སྨྲས་པ་རི་གཟར་འབབ་པའི་དབའ་རླབས་འགྱུར་བས་ཀྱང་།། གང
292a3 གི་དབའ་རླབས་འགྱུར་ལ་བསྐྲུན་མེད་པར།། འཇིག་པ་ཐོགས་མེད་གཡོ་བའི་ཡིད་དེ་ནི།། ཡུད་ཙམ་རྩེ་གཅིག་མཛོད་ཅིག་བཙུན་པ་རྣམས།། ལྷ་ཡི་བུ་མོ་ཡིད་ཆད་ཤུགས་བྱུང་སྐད་ཅིག་ཟིམ
292a4 མེར་བྱས་པའི་མིག། རིང་ཞིང་རྫི་ལྡན་བཀྲ་ལ་འོད་ཟེར་མིག་ཆགས་ལྟ་བའི་གཡོ་བ་ཡིས།། གང་གི་ཐུགས་ནི་སྐྱེ་བ་རྒྱུན་གཅོད་རྒྱུ་ལས་འཁྲུགས་པར་མ་གྱུར་པ།། བདུད་ཀྱི་དཔུང་འཇོམས
292a5 མཁས་གཅིག་ཐམས་ཅད་མཁྱེན་པ་དེ་ལ་ཕྱག་མཛོད་ཅིག། སྐྱེ་ལྡན་གང་དུ་བརྟེན་ནས་དུད་འགྲོའི་སྐྱེ་གནས་སེམས་དན་ལ་མ་ཞི་དང་།། ཡི་དགས་འཇིག་རྟེན་གནས་སུ་འགྲོ་བར་མི་འགྱུར
292a6 སྡུག་བསྔལ་འཇིག་བྱེད་པ།། འཁོར་བ་དག་ན་འགྲོ་བ་ཆེན་པོ་རྣམས་ཀྱི་གྲོགས་འགྱུར་འཕགས་གཅིག་པུ།། ཞི་བ་གྲོང་ཁྱེར་སྒོར་གཞོལ་ཆོས་དེ་ལ་ནི་གུས་པབསྟེན་པར་མཛོད།། ཞི་བའི་བདག་ཉིད
292a7 གང་ཞིག་བདེ་གཤེགས་གསུང་རབ་མཐར་ཕྱིན་འབྱུང་སྨྲ་ཞིང་།། གང་ལ་གུས་པར་ཅུང་ཟད་ཙམ་ཞིག་བྱིན་ཡང་སྦྱིན་པ་འཕེལ་འགྱུར་ལ།། ཡེ་ཤེས་སྣང་བས་མུན་པ་ཟང་བྱས་དགེ་སློང་འདུན་དེ་ལ་ནི།
iiif viewer powered by OpenSeadragon
