| e-texts navigator |
| Wylie |
255a1 ཐོས་ན་ནེམ་ནུར་དུ་མི་འགྱུར། ཐེ་ཙོམ་དུ་མི་འགྱུར་ཏེ། བདག་ཏུ་མི་དམིགས་པར་རྟོག་པར་འགྱུར་རོ།། དེ་ནས་བཅོམ་ལྡན་འདས་ལཀུན་དུ་རྒྱུ་རྒྱལ་བའི་བློ་གྲོས་ཀྱིས་འདི་སྐད
255a2 ཅེས་གསོལ་ཏོ།། བཅོམ་ལྡན་འདས་བདག་གིས་སྔོན་ཡང་ཀུན་ཏུ་རྒྱུ་སུ་ཏྲ་ཀ་དང་། སྣག་གི་གཉེན་མཚམས་ཀུན་ཏུ་རྒྱུ་ཟླ་བ་ཅན་ལས། ཐེག་པ་ཆེན་པོ་འདིའི་ཡོན་ཏན་བསྔགས་པ་བརྗོད་པ་ཁ་ཅིག་ཐོས་པར་གྱུར
255a3 ཏོ།། བཅོམ་ལྡན་འདས་བདག་གིས་ད་ལྟར་ཡང་འཇམ་དཔལ་གཞོན་ནུར་གྱུར་པ་ལས་དམ་པའི་ཆོས་བཤད་པ་ཐོས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ།།
255a4 བཅོམ་ལྡན་འདས་ཀྱིས་ཀྱང་བདག་ལ་ཅི་ནས་ཀྱང་བདག་གིས་བྱང་ཆུབ་ཀྱི་ཕྱོགས་ཀྱི་ཆོས་རྣམས་བསགས་ཏེ། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས
255a5 ནས། སེམས་ཅན་ཚད་མ་མཆིས། གྲངས་མ་མཆིས་པ་རྣམས་ཀྱི་དོན་བགྱིད་པར་འགྱུར་བ་དེ་ལྟར་ཆོས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རྒྱལ་བའི་བློ་གྲོས་བྱང་ཆུབ་སེམས་དཔའ་རྣམས་ཀྱི
255a6 ཆོས་འདི་གཉིས་ནི། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་ཤེས་པར་བྱེད་པའོ།། གཉིས་གང་ཞེ་ན། འདི་ལྟ་སྟེ། བརྩོན་འགྲུས་དང་། བག་ཡོད་པའོ།། དེ་ལ་བརྩོན་འགྲུས་གང་ཞེ་ན།
255a7 གང་ཆོས་ཀྱིས་བཙལ་བའི་ལོངས་སྤྱོད་བདོག་པ་ཐམས་ཅད་ཡོངས་སུ་གཏོང་བའོ།། བག་ཡོད་པ་གང་ཞེ་ན། གང་རྣམ་པར་སྨིན་པ་ལ་མི་རེ་བས་བྱང་ཆུབ་ཏུ་བསྔོ་བའོ།། དེ་ལ་བརྩོན་འགྲུས་ནི་གང་མི་དགེ་བའི་ཆོས
iiif viewer powered by OpenSeadragon
