| e-texts navigator |
| Wylie |
184a1 ཆོས་དང་། དགེ་འདུན་གྱི་གདུང་མི་འཆད་པར་ངེས་པར་བྱེད་པའི་ཕྱིར། སྡིག་པ་མི་དགེ་བ་ཀུན་ཏུ་སྤྱོད་པ་རྣམས་ཡོངས་སུ་འགྲིབ་པར་འགྱུར་བ་དང་། ཆུང་བར
184a2 འགྱུར་བ་ནས་སྲབ་པའི་བར་དུ་འགྱུར་རོ།། ལེགས་པ་དགེ་བ་ཀུན་ཏུ་སྤྱོད་པ་རྣམས་ནི་འཕེལ་བར་འགྱུར་པ་ནས་དཔག་ཏུ་མེད་པའི་བར་དུ་འགྱུར་རོ།། དེའི་བྱང་ཆུབ་སེམས
184a3 དཔའ་བསམ་པ་སོགས་ཤིང་སྒོམ་པ་ཡོངས་སུ་རྫོགས་པ་དང་། སྲ་བ་དང་། བརྟན་པ་དང་། རྡོ་རྗེ་ལྟ་བུར་འགྱུར་རོ།། ཚོང་དཔོན་གྱི་བུ་དེ་ལྟར་ན་ལས་དང་པོ་པའི་བྱང་ཆུབ་སེམས་དཔའ་དེ་གོ
184a4 རིམས་འདི་ལྟ་བུས་མཐར་གྱིས་སྲིད་པ་འདི་དང་སྲིད་པ་ཕྱི་མ་དང་སྲིད་པ་ལན་གྲངས་གཞན་དག་ལ་སྡིག་པ་མི་དགེ་བ་ཀུན་ཏུ་སྤྱོད་པ་འགྲིབ་པར་བྱེད་པ་དང་། ཆུང་ངུར་བྱེད་པ་ནས་ཀ་གསོག
184a5 ཏུ་བྱེད་པའི་བར་དང་ལེགས་པ་དགེ་བ་ཀུན་ཏུ་སྤྱོད་པ་འཕེལ་བར་འགྱུར་བ་ནས་དཔག་ཏུ་མེད་པའི་བར་དུ་འགྱུར་བ་དང་། བྱང་ཆུབ་སེམས་དཔའི་བསམ་པ་ཡང་སོགས་ཤིང་སྒོམ་པར་བྱེད་དེ།།
184a6 ལེགས་པ་དགེ་བ་ཀུན་ཏུ་སྤྱད་པ་རྣམས་ཡོངས་སུ་སྨིན་པར་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ།། དེ་ནས་དེའི་ཚེ་ཡུལ་ད་རང་ནས།།
184a7 ད་ར་དའི་རྒྱལ་པོ་སིན་དུ་གི་རི་ཞེས་བྱ་བའི་བུ་བཅོམ་ལྡན་འདས་ལ་བལྟ་བ་དང་། ཕྱག་བྱ་བ་དང་བསྙེན་བཀུར་བྱ་བའི་ཕྱིར་ཝཱ་ར་ཎ་སིར་སོང་ནས་དེ་བཅོམ་ལྡན་འདས་དང་ཟག་མི་རིང་བ་ཞིག
iiif viewer powered by OpenSeadragon
