| e-texts navigator |
| Wylie |
152b1 བཅོམ་ལྡན་འདས་ཕྱག་བདར་བགྱིས་པས་དགེ་བའི་རྩ་བ་ཅིར་འགྱུར་ལགས་དཀྱིལ་འཁོར་བགྱིས་པས་ནི་ཅིར་འགྱུར་ལགས་སྐྱབས་སུ་མཆི་བ་དང་བསླབ་པའི་གཞི་རྣམས་ཀྱི་དགེ་བའི
152b2 རྩ་བ་ནི་ཅིར་འགྱུར་ལགས་དེ་བཞིན་གཤེགས་པ་ལ་ཕྱག་འཚལ་བའི་ཐལ་མོ་སྦྱར་བའི་སུག་ལས་ཀྱིས་ནི་ཅིར་འགྱུར་ལགས་བཅོམ་ལྡན་འདས་དགེ་བའི་རྩ་བ་འཁོར་བར
152b3 བས་པར་མི་འགྱུར་ཞིང་། ཡོངས་སུ་གཏུགས་པར་མི་འགྱུར་ལ། བས་མི་འཚལ་བའི་མྱ་ངན་ལས་འདས་པ་ཐོབ་པར་འགྱུར་བ་ནི་གང་ལགས་དེ་བཞིན་གཤེགས
152b4 པའི་སྐུ་གཟུགས་བགྱིས་པས་ནི་ཅིར་འགྱུར་ལགས་བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ཕྱག་བདར་བྱས་པའི་ཕན་ཡོན་ནི་ལྔར་འགྱུར་ཏེ། ལྔ་གང
152b5 ཞེ་ན། ཀུན་དགའ་བོ་འདི་ལྟ་སྟེ། བདག་གི་སེམས་དང་བར་འགྱུར་བ་དང་། གཞན་གྱི་སེམས་དང་བར་འགྱུར་བ་དངལྷ་རྣམས་ཡིད་དགའ་བར་འགྱུར་བ་དང
152b6 མཛེས་པའི་ལས་བྱས་ཤིང་བསགས་པ་དང་ལུས་ཞིག་ནས་བདེ་འགྲོ་མཐོ་རིས་ཀྱི་འཇིག་རྟེན་ལྷ་རྣམས་སུ་སྐྱེ་བར་འགྱུར་རོ།། ཀུན་དགའ་བོ་གང་ལ་ལ་ཞིག་གིས་དེ་བཞིན
152b7 གཤེགས་པའི་ཆེད་དུ་དཀྱིལ་འཁོར་གྲུ་བཞི་པ་བྱེད་ན་དེ་བྱང་གི་སྒྲ་མི་སྙན་གྱི་གླིང་གི་དབང་ཕྱུག་གི་བདག་པོར་འགྱུར་ཞིང་ལུས་ཞིག་ནས་སུམ་ཅུ་རྩ་གསུམ་གྱི་ལྷ
iiif viewer powered by OpenSeadragon
