| e-texts navigator |
| Wylie |
8b1 ལམ་དེའི་མདུན་ལོགས་སུ་བསྡད་དོ།། འཇམ་དཔལ་གཞོན་ནུར་གྱུར་པས་དེར་བསྡད་མ་ཐག་ཏུ། དེ་ནས་ཚོང་དཔོན་གྱི་བུ་དེའི་ཤིང་རྟ་ཡང་མོག་མོག་པོར་གྱུར། སྨད་འཚོང་མའི་བུ་མོ་གསེར་མཆོག་འོད
8b2 དཔལ་གྱི་ལུས་ཐམས་ཅད་ཀྱང་མོག་མོག་པོར་གྱུར་ཏོ།། འདི་ལྟ་སྟེ་དཔེར་ན། འཛམ་བུ་ཆུ་བོའི་གསེར་གྱི་དྲུང་དུ་སྡུག་ཆེའི་ཡུག་བཞག་ན། ལྷམ་མེར་མེའི་འདུག། ལྷན་ནེར་མི་འདུག། ལྕང་ངེར་མི
8b3 འདུག་གོ། དེ་བཞིན་དུ་འཇམ་དཔལ་གཞོན་ནུར་གྱུར་པའི་ལུས་ཀྱི་འོད་ཀྱིས་རེག་པ་ན། བུ་མོ་དེའི་ལུས་ཀྱང་ལྷམ་མར་མི་འདུག། ལྷན་ནེར་མི་འདུག། ལྒང་ངེར་མི་འདུག་གོ། སྨད་འཚོང་མའི་བུ་མོ
8b4 གསེར་མཆོག་འོད་དཔལ་གྱིས། འཇམ་དཔལ་གཞོན་ནུར་གྱུར་པ་ལྷའི་བུ་གཞོན་ནུར་ལྟར་འདུག་ལ། ལུས་ལ་རྒྱན་གྱིས་བརྒྱན་ཅིང་། གསལ་བའི་གོས་ལེགས་པར་གྱོན་ལ། གོས་དེ་ལས
8b5 ཀྱང་འོད་འབྱུང་བར་མཐོང་སྟེ། མཐོང་མ་ཐག་ཏུ་དེ་བདག་གི་ལུས་ལ་བརྙས་པའི་འདུ་ཤེས་དང་། དམན་པའི་འདུ་ཤེས་སྐྱེས་ཤིང་། གོས་དེ་ལ་ཡང་མངོན་པར་འདོད་པ་དང་། བཟུང་བའི་འདུ
8b6 ཤེས་སྐྱེས་ནས། དེ་འདི་སྙམ་དུ་སེམས་ཏེ། ཚོང་དཔོན་གྱི་བུ་འདྲིས་ཆོག་གིས། བདག་ཤིང་རྟ་འདི་ལས་བབས་ལ། འདི་དང་ལྷན་ཅིག་ཏུ་དགའ་བ་དང་། རྩེ་བ་དང་། དགའ་དགུར
8b7 སྤྱད་ལ། གོས་འདི་ཡང་བསླང་བར་བྱའོ་སྙམ་མོ།། བུ་མོ་དེས་དེ་ལྟ་བུའི་སེམས་བསྐྱེད་མ་ཐག་ཏུ། དེ་ནས་འཇམ་དཔལ་གཞོན་ནུར་གྱུར་པའི་བྱིན་གྱི་རླབས་ཀྱིས། རྒྱལ་པོ་ཆེན་པོ
iiif viewer powered by OpenSeadragon
