| e-texts navigator |
| Wylie |
8a1 འཕྲུལ་གྱི་ཆོ་འཕྲུལ་ལམ། ཀུན་བརྗོད་པའི་ཆོ་འཕྲུལ་ལམ། རྗེས་སུ་བསྟན་པའི་ཆོ་འཕྲུལ་གྱིས་འདུལ་བར་འགྱུར་བའི་སེམས་ཅན་གང་ཐེག་པ་ཆེན་པོ་འདི་ལ་ཡོངས་སུ་སྨིན་པར
8a2 བྱ་སྙམ་པ་དང་། འཇམ་དཔལ་གཞོན་ནུར་གྱུར་པས། སྨད་འཚོང་མའི་བུ་མོ་གསེར་མཆོག་འོད་དཔལ་ཚོང་དཔོན་གྱི་བུ་འཇིགས་བྱིན་དང་ལྷན་ཅིག་ཏུ་ཤིང་རྟ་ལ་ཞོན་ཏེ། སྐྱེད་མོས་ཚལ་གྱི་སར་འགྲོ་བར་མཐོང
8a3 ངོ་།། མཐོང་ནས་ཀྱང་གདུལ་བའི་ཕྱིར་དེའི་དབང་པོ་དང་། སྟོབས་དང་། བརྩོན་འགྲུས་ཀྱི་བྱེ་བྲག་ལ་རྣམ་པར་བསྟས་ན། དེ་སྔོན་གྱི་དགེ་བའི་རྩ་བ་དང་ལྡན་ཞིང་། ཆོས་ཀུན་ཤེས་པར་བྱ་བའི་ནུས་པ་དང་།
8a4 མཐུ་དང་། སྐལ་པ་ཡོད་པར་རིག་ནས། དེ་ནས་དེའི་ཚེ་འཇམ་དཔལ་གཞོན་ནུར་གྱུར་པས་འདི་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུ་བྱས་ཏེ། ཇི་ལྟ་བུའི་རྫུ་འཕྲུལ་མངོན་པར་འདུས
8a5 བྱས་པས། འདི་ལྟར་རང་གི་ལུས་བསྟན་མ་ཐག་ཏུ། ཉི་མ་དང་ཟླ་བའི་འོད་ཀྱང་ཟིལ་དུ་རླག་པར་བྱེད་ན། སེམས་ཅན་གཞན་དག་གི་ལྟ་སྨོས་ཀྱང་ཅི་དགོས་པ་དེ་ལྟ་བུར་རང་གི་ལུས་རྣམ་པར་སྤྲུལ་ནས
8a6 གོས་གང་གི་འོད་ཀྱིས་དཔག་ཚད་གཅིག་ཙམ་གྱི་ཁོར་ཡུག་སྣང་བས། སྣང་བར་བྱེད་པའི་གོས་དེ་ལྟ་བུ་ཡང་ལུས་ལ་གྱོན་པར་ཀུན་ཏུ་བསྟན་ཏོ།། རང་གི་ལུས་རྒྱན་ཐམས་ཅད་ཀྱིས་རྣམ་པར་བརྒྱན་པར་ཡང
8a7 བསྟན་ཏོ།། དེ་ནས་འཇམ་དཔལ་གཞོན་ནུར་གྱུར་པས། ལུས་ལ་གོས་དང་རྒྱན་ཐམས་ཅད་ཀྱིས་ལེགས་པར་བརྒྱན་ནས། ལམ་གང་ནས་སྨད་འཚོང་མའི་བུ་མོ་གསེར་མཆོག་འོད་དཔལ་འོང་བའི
iiif viewer powered by OpenSeadragon
