| e-texts navigator |
| Wylie |
7a1 པོའི་ཁབ་ན་བྱ་རྒོད་ཀྱི་ཕུང་པོའི་རིལ། དགེ་སློང་ལྔ་བརྒྱ་ཙམ་གྱི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམ་དཔཔ་བརྒྱད་སྟོང་དང་ཐབས་ཅིག་ཏུ་བཞུགས་ཏེ། དེའི་ཚེ
7a2 རྒྱལ་པོའི་ཁབ་ཀྱི་གྲོང་ཁར་ཆེན་པོ་ན། སྨད་འཚོང་མའི་བུ་མོ་གསེར་མཆོག་འོད་དཔལ་ཞེས་བྱ་བ་གཟུགས་བཟང་ཞིང་མཛེས་ལ་བལྟ་ན་སྡུག་པ། ཁ་དོག་བཟང་པོ་རྒྱས་པ་མཆོག་དང་ལྡན་པ་ཞིག
7a3 འདུག་སྟེ། བུ་མོ་ཡང་སྔོན་གྱི་དགེ་བའི་རྩ་བའི་རྒྱུས་ལུས་ཀྱི་མདོག་གསེར་གྱི་ཁ་དོག་ལྟ་བུར་མངོན་པར་གྲུབ་པར་གྱུར་ཅིང་། སའི་ཕྱོགས་གང་དག་ཏུ་འགྲེང་བ་དང་། འདུག་པ་དང་། འགྲོ་བའི་ས
7a4 ཕྱོགས་དེ་དག་ཀྱང་། གསེར་གྱི་ཁ་དོག་ལྟ་བུའི་འོད་ཀྱིས་སྣང་བར་གྱུར་ཏེ། དེས་གོས་དམར་པོ་འམ། དཀར་པོ་འམ། གང་དག་གྱོན་པར་གྱུར་པའི་གོས་དེ་དག་ཐམས་ཅད་ཀྱང་། གསེར་གྱི་ཁ་དོག་ལྟ་བུ་ཉིད
7a5 དུ་སྦྱང་ངོ་།། བུ་མོ་དེ་ཡང་སྐྱེ་བོའི་ཚིགས་ཐམས་ཅད་ལ་དགའ་ཞིང་ཡིད་གཅུགས་པ་དང་། བལྟ་བས་མི་ངོམས་ཤིང་། བཀའ་བློ་བ་དེ་ལ་ངེས་པ་དང་། འཇམ་པ་དང་། སྙན་པ་དང་། དགའ་བར་སྨྲ་ཞིང
7a6 བཞིན་འཛུམ་པ་དང་། ཤིན་ཏུ་འཐུན་པར་འཛིན་པ་དང་། ཁྲོ་གཉེར་མེད་པ་དང་། མི་རྩུབ་པ་དང་། མི་བརླང་པར་གྱུར་པས། རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་དེ་ན། རྒྱལ་བུ་གཞོན་ནུ་རྣམས་དང་།
7a7 བློན་པོའི་བུ་གཞོན་ནུ་རྣམས་དང་། ཚོང་དཔོན་གྱི་བུ་གཞོན་ནུ་རྣམས་དང་། ཁྱིམ་བདག་གི་བུ་གང་ཇི་སྙེད་པ་དེ་དག་ཀྱང་། དེ་ལ་ཤིན་ཏུ་ཆགས་ཤིང་ཡིད་འབྲང་བར་གྱུར་ཏེ། བལྟ་བས་ཆོག་མི་ཤེས་སོ།།
iiif viewer powered by OpenSeadragon
