| e-texts navigator |
| Wylie |
5a1 པར་བྱའོ།། ཤཱ་རིའི་བུ་རིགས་ཀྱི་བུའམ། རིགས་ཀྱི་བུ་མོ་ཐེག་པ་ཆེན་པོ་ལ་ཡང་དག་པར་ཞུགས་པ་གང་ལ་ལ་ཞིག་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོག
5a2 པའི་སངས་རྒྱས་དེ་དག་གི་མཚན་བརྗོད་དེ། ནུབ་མོ་སྲོད་ལ་ཉལ་ན་དེ་བདེ་བར་གཉིད་ཀྱིས་ལྡོག་པར་འགྱུར།། བདེ་བར་སད་པར་འགྱུར་ཞིང་། སྡིག་པ་ཅན་གྱི་རྨི་ལམ་རྨི་བར་མི་འགྱུར་ཏེ། དེ་གཉིད་ཀྱིས་ལོག
5a3 པ་ན་ཡང་ལྷ་རྣམས་སྲུང་བར་འགྱུར་རོ།། ཤཱ་རིའི་བུ་རིགས་ཀྱི་བུའམ། རིགས་ཀྱི་བུ་མོ་ཐེག་པ་ཆེན་པོ་ལ་ཡང་དག་པར་ཞུགས་པ་གང་ལ་ལ་ཞིག་གིས་དེ་བཞིན་གཤེགས་པ་དགྲ་བཅོམ་པ་ཡང་དག
5a4 པར་རྫོགས་པའི་སངས་རྒྱས་དེ་དག་གི་མཚན་བརྗོད་ནས། མཚན་མོ་ཐོ་རངས་འཇིག་རྟེན་པའི་བྱ་བ་རྣམས་རྩོམ་ན། འཕེལ་བ་ཉིས་དུ་འགྱུར་གྱི། འགྲིབ་པར་མི་འགྱུར་རོ།། ཤཱ་རིའི་བུ་རིགས་ཀྱི་བུ
5a5 འམ། རིགས་ཀྱི་བུ་མོ་ཐེག་པ་ཆེན་པོ་ལ་ཡང་དག་པར་ཞུགས་པ་གང་ལ་ལ་ཞིག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གི་མཚན་ཐོས་ནས། ལེན་ཅིང་འཛིན་ལ
5a6 ཀློག་ཅིང་ཀུན་ཆུབ་པར་བྱེད་དེ། འཇུག་པར་བྱེད་ཅིང་། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་ན། དེ་འདི་ནས་བཟུང་སྟེ། བྱང་ཆུབ་ཀྱི་བར་དུ་ནམ་ཡང་མངོན་པར་ཤེས་པ་དང་བྲལ་བར་མི
5a7 འགྱུར། ནམ་ཡང་གཟུངས་དང་བྲལ་བར་མི་འགྱུར། ནམ་ཡང་དབང་པོ་མ་ཚང་བར་མི་འགྱུར། ནམ་ཡང་མཚན་དང་བྲལ་བར་མི་འགྱུར། ནམ་ཡང་ཤེས་རབ་ཤིན་ཏུ་རྒྱས་པ་དང་བྲལ་བར་མི་འགྱུར།
iiif viewer powered by OpenSeadragon
