| e-texts navigator |
| Wylie |
246b1 གཏོགས་པར་འགྱུར་བའི་ཚེ་གང་ནས་ཀྱང་མི་འོང་ངོ་།། དེ་ཅིའི་ཕྱིར་ཞེ་ན། ངོ་བོ་ཉིད་དང་བྲལ་བའི་ཕྱིར་རོ།། རྒྱལ་པོ་ཆེན་པོ་དེ་ལ་རྣམ་པར་ཤེས་པ་ཐ་མ་ནི་རྣམ་པར་ཤེས
246b2 པ་ཐ་མས་སྟོང་། འཆི་འཕོ་ནི་འཆི་འཕོས་སྟོང་ལས་ནི་ལས་ཀྱིས་སྟོང་རྣམ་པར་ཤེས་པ་དང་པོ་ནི་རྣམ་པར་ཤེས་པ་དང་པོས་སྟོང་། སྐྱེ་བ་ནི་སྐྱེ་བས་སྟོང་ལ་ལས
246b3 རྣམས་ཆུད་མི་ཟ་བར་མངོན་པར་ཡང་ཡོད་དོ།། རྒྱལ་པོ་ཆེན་པོ་རྣམ་པར་ཤེས་པ་དང་པོ་སྐྱེ་བའི་ཆར་གཏོགས་པ་འགགས་མ་ཐག་ཏུ་རྣ་བར་མ་ཆད་པར་གང་ལ་རྣམ་པར་སྨིན
246b4 བམྱོང་བར་འགྱུར་བ་མངོན་པའི་སེམས་ཀྱི་རྒྱུད་འབྱུང་ངོ་།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས། སྟོན
246b5 བསྲ་གཞན་ཡང་འདི་སྐད་ཅེས་བཀའ་སྩལ་ཏོ།། འདི་དག་ཐམས་ཅད་མིང་ཙམ་སྟེ།། འདུ་ཤེས་ཙམ་དུ་གནས་པ་ཡིན།། བརྗོད་པ་ལས་ནི་བཞག་གྱུར་པ།། བརྗོད་པར་བྱ་བ་ཡོད
246b6 མ་ཡིན།། མིང་ནི་གྲང་དང་གང་གིས་སུ།། ཆོས་རྣམས་གང་དང་གང་བརྗོད་པ།། དེ་ལ་དེ་ནི་ཡོད་མ་ཡིན།། འདི་ནི་ཆོས་རྣམས་ཆོས་ཉིད་དོ།། མིང་གིས་མིང་ཉིད་སྟོང་པ་སྟེ།། མིང
246b7 ནི་མིང་གིས་ཡོད་མ་ཡིན། མིང་མེད་པ་ཡི་ཆོས་རྣམས་ཀུན།། མིང་གིས་ཡོངས་སུ་བརྗོད་པར་བྱས།། ཆོས་རྣམས་འདི་དག་ཡོད་མིན་ཏེ།། རྟགས་པ་ལས་ནི་ཀུན་ཏུ་འབྱུང་།།
iiif viewer powered by OpenSeadragon
