| e-texts navigator |
| Wylie |
243b1 བརྡུངས་པ་ཡིན་ནོ།། སྲིད་པ་གསུམ་རྣམ་པར་བཟློགས་པ་ཡིན་ནོ།། ཕྱིར་རྒོལ་བ་རྣམས་ལས་ངེས་པར་རྒྱལ་བ་ཡིན་ནོ།། ཉོན་མོངས་པའི་ཚོགས་བཅོམ་པ་ཡིན་ནོ།། རིགས
243b2 ཀྱི་བུ་འམ། རིགས་ཀྱི་བུ་མོ་གང་ལ་ལ་ཞིག་གིས་སྟོང་གསུམ་གྱི་སྙིང་ཆེན་པོའི་འཇིག་རྟེན་གྱི་ཁམས་གྲངས་མེད་པ་ཕྲག་བཅུའི་ཕྲ་རབ་ཀྱི་རྡུལ་སྙེད་ཀྱི་བསྐལ་པར་དེ་བཞིན་གཤེག
243b3 པ་ཐམས་ཅད་ལ་བདེ་བའི་ཡོ་བྱད་ཐམས་ཅད་ཀྱིས་བསྙེན་བཀུར་བྱས་ཀྱང་། དེ་བཞིན་གཤེགས་པའི་དོན་གྱི་རྣམ་པར་འཕྲུལ་པ་འདི་ཐོས་ནས་དད་པར་མི་བྱེད་ན། དེ་ཉེས་པ་ཆེན་པོ
243b4 ཡིན་ནོ།། དེ་བཞིན་གཤེགས་པའི་བཀས་རིགས་ཀྱི་བུ་དེ། དེ་བཞིན་གཤེགས་པ་ལ་རིམ་གྲོ་བྱས་པས་རིམ་གྲོར་བྱེད་པ་དང་། རིགས་ཀྱི་བུ་འམ་རིགས་ཀྱི་བུ་མོ་གང་གཞན་ཞིག
243b5 གིས་དེ་བཞིན་གཤེགས་པས་ཡང་དག་པར་བསྟན་པ་འདི་ཐོས་ནས། དད་ཅིང་སེམས་རབ་ཏུ་དང་བས་ལེགས་སོ་ཞེས་བྱ་བར་འབུལ་ན། གང་དེ་བཞིན་གཤེགས་པ་ལ་མཆོད་ཅིང་།།
243b6 བསྙེན་བཀུར་བྱས་པ་དེ་བས་འདི་བསོད་ནམས་ཆེས་ལྷག་པར་བརྒྱ་ཕྲག་སྟོང་སོགས་པར་འགྱུར་རོ།། དེ་ལྟ་བས་ན་རིགས་ཀྱི་བུ་གང་དག་ལ་སྐྱབས་སུ་སོང་བ་དེ་དག་གིས། མདོ་སྡེ
243b7 འདི་བྲི་བར་བྱ།། བཅང་བར་བྱའོ།། དེ་ནས་བྱང་ཆུབ་སེམས་དཔའ་རྣམ་པར་རྒྱལ་བའི་ཕུང་པོ་དང་། འོད་འཕྲེང་དང་། གློག་གི་འོད་སྤྱན་རྣམ་པར་དག་པ་དང་། བྱམས་པ་དང་།
iiif viewer powered by OpenSeadragon
