| e-texts navigator |
| Wylie |
241b1 སྒྲ་འབྱུང་འགྱུར་ཏེ། ཡི་གེའི་སྒྲ་ནི་སྟོང་པ་ཡིན་ནོ།། རིགས་ཀྱི་བུ་སེམས་ཅན་གང་དག་བརྗོད་པ་དེ་ཐམས་ཅད་སོ་སོར་ཡང་དག་པར་རིག་པའི་ནང་དུ་འདུས་པར་བལྟ་སྟེ། ཚིག
241b2 གིས་བརྗོད་པ་གང་ཡིན་པ་དེ་ནི། ཆོས་སོ་སོ་ཡང་དག་པར་རིག་པ་ཡིན་པར་བལྟ་བ་དང་། ཚིག་གིས་བརྗོད་པ་གང་ཡིན་པ་དེ་ནི། དོན་སོ་སོ་ཡང་དག་པར་རིག་པ་ཡིན་པར་བལྟ་བར
241b3 བྱའོ།། དེ་ལྟ་བས་ན་རིགས་ཀྱི་བུ་ཁྱོད་ཀྱིས་སེམས་ཅན་གྱི་གང་ཅུང་ཟད་གཡོ་བ་དེ་ཐམས་ཅད་ཆོས་ཀྱི་སྡོམ་བཞིར་འདུས་པར་བལྟ་བར་བྱ་སྐྱེ། འབྱུང་པོ་དག་མི་ཤེས་པས་མི
241b4 གནས་ན་གཡོའོ།། དེ་ལྟར་ནཱ་མི་དམུས་ལོང་དེ་ཇི་ལྟར་ཤེས་པ་དེ་བཞིན་ཆོས་ཉིད་དེ་ལ་མངོན་པར་ཞེན་ཏོ།། རིགས་ཀྱི་བུ་དོན་ཡོངས་སུ་ཚོལ་བར་འདོད་པས་རང་གི་རྒྱུད་ལས་ཡོད
241b5 སུ་བཙལ་བར་བྱའོ།། རིགས་ཀྱི་བུ་བྱང་ཆུབ་ཡོངས་སུ་ཚོལ་བར་འདོད་པས་རང་གི་ཉེ་བར་ལེན་པའི་ཕུང་པོ་ལྔ་ལུས་བཙལ་བར་བྱའོ།། ཆོས་ཀྱི་རྣམ་གྲངས་འདིའི་དོན་ཇི་ལྟ་བ
241b6 བཞིན་བཤད་པ་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་རྣམ་པ་དྲུག་ཏུ་གཡོས་སོ།། སྣང་བ་ཆེན་པོས་འཇིག་རྟེན་ཁྱབ་པར་ཤིན་ཏུ་སྣང་བར་གྱུར་ཏོ།།
241b7 བཅོམ་ལྡན་འདས་དེ་བཞིན་གཤེགས་པ་ཆོས་འཕགས་ཀྱི་ལྗགས་ཀྱི་དབང་པོ་ཕྱུང་ནས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་ལྗགས་ཀྱི་དབང་པོས་ཡང
iiif viewer powered by OpenSeadragon
