| e-texts navigator |
| Wylie |
240a1 དངང་བར་མི་བྱ། དངང་བར་འགྱུར་བར་མི་བྱ། སོམ་ཉིར་མི་བྱ། ཐེ་ཚོམ་དུ་མི་བྱའོ།། དེ་ཅིའི་ཕྱིར་ཞེ་ན། སངས་རྒྱས་བཅོམ་ལྡན་འདས་རྣམས་ཀྱི་ཡུལ་ནི
240a2 བསམ་གྱིས་མི་ཁྱབ་བོ།། སྨོན་ལམ་ནི་བསམ་གྱིས་མི་ཁྱབ། རྣམ་པར་འཕྲུལ་པ་ནི་བསམ་གྱིས་མི་ཁྱབ་བོ།། དོན་དེ་དག་ཡང་དག་པར་མཐོང་ནས། ཐེ་ཚོམ་མ་བྱེད་ཅིག། འོད
240a3 འཕྲེང་གང་འདི་ལྟར་དེ་བཞིན་གཤེགས་པ་ཤཱཀྱ་ཐུབ་པས། ངའི་དྲུང་དུ་བྱང་ཆུབ་སེམས་དཔའ་རྣམ་པར་རྒྱལ་བའི་ཕུང་པོ་བཏང་བ་འདི་ཁྱོད་ཀྱིས་མཐོང་ངམ། གསོལ་པ། བཅོམ
240a4 ལྡན་འདས་མཐོང་ལགས་སོ།། བདེ་བར་གཤེགས་པ་མཐོང་ལགས་སོ།། རིགས་ཀྱི་བུ་བྱང་ཆུབ་སེམས་དཔའ་རྣམ་པར་རྒྱལ་བའི་ཕུང་པོ་འདི་ལ། ངས་ཁྱོད་ག་ལས་འོངས་ཞེས་དེ
240a5 སླད་དྲིས་ནས། དེ་ཅང་མི་སྨྲ་བར་ཁ་རོག་འདུག་སྟེ། རིགས་ཀྱི་བུ་ངས་དོན་གྱི་དབང་འདི་མཐོང་ནས་འདིར་འཛུམ་པ་མཛད་དོ།། དེ་བཞིན་གཤེགས་པས་སྨྲས་པའི་ལན་དེ་ཅིའི་ཕྱིར
240a6 འདིས་མ་གསོལ་སྙམ་དུ་འཁོར་འདི་དག་ཐམས་ཅད་ཐེ་ཚོམ་དུ་གྱུར་ཏེ།། རིགས་ཀྱི་བུ་ངས་སྨྲས་པའི་ལན་སྐྱེས་བུ་དམ་པ་འདིས་ཅིའི་ཕྱིར་མ་གསོལ་ཅེ་ན། འོང་བ་དང་འགྲོ་བ་མེད་པའི
240a7 ཆོས་རྣམས་ལ་བཅོམ་ལྡན་འདས་བདག་ལ་ཁྱོད་ག་ལས་འོངས་ཞེས་འོང་བ་མེད་པར་མཛད་དོ་སྙམ་མོ།། ཆོས་ཐམས་ཅད་བརྗོད་དུ་མ་མཆིས་པར་ཡང་གློ་བར་ཆུད་ན། བཅོམ་ལྡན་འདས
iiif viewer powered by OpenSeadragon
