| e-texts navigator |
| Wylie |
238b1 ཆོས་འཕགས་ཞེས་བྱ་བ་ད་ལྷུར་བཞུགས་ཏེ། འཚོ་ཞིང་གཞེས་ལ་ཆོས་ཀྱང་སྟོན་ཏོ།། དེ་བཞིན་གཤེགས་པ་དེ་ལ་བལྟ་བ་དང་། ཕྱག་བྱ་བ་དང་། བསྙེར་བཀུར་བྱ་བ་དང་། མཆོད།
238b2 པ་བྱ་བའི་ཕྱིར་སོང་ཞིག། དེ་ནས་བྱང་ཆུབ་སེམས་དཔའ་རྣམ་པར་རྒྱལ་བའི་ཕུང་པོ་འཇིག་རྟེན་གྱི་ཁམས་དེར་སོང་ནས། བཅོམ་ལྡན་འདས་ཆོས་འཕགས་དེའི་ཞབས་ལ་ཕྱག
238b3 འཚལ་ཏེ་ལན་བདུན་བསྐོར་བ་བྱས་ནས་ཕྱོགས་གཅིག་ཏུ་འདུག་གོ། བྱང་ཆུབ་སེམས་དཔའ་རྣམ་པར་རྒྱལ་བའི་ཕུང་པོ་ཕྱོགས་གཅིག་ཏུ་འདུག་པ་དང་། དེ་ནས་བཅོམ
238b4 ལྡན་འདས་དེ་བཞིན་གཤེགས་པ་ཆོས་འཕགས་དེས། བྱང་ཆུབ་སེམས་དཔའ་དེ་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་ཁྱོད་ག་ལས་འདིར་འོངས། དེ་ནས་བྱང་ཆུབ་སེམས
238b5 དཔའ་རྣམ་པར་རྒྱལ་བའི་ཕུང་པོ་ལ། བཅོམ་ལྡན་འདས་ཀྱིས་བཀའ་སྩལ་པ། དེ་ལ་ཅང་མི་སྨྲ་བར་ཁ་རོག་འདུག་གོ། དེའི་ཚེ་དེར་འཁོར་འདུས་པ་གང་ལྷ་དང་། ཀླུ་དང་། གནོད
238b6 སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་དེ་དག་འདི་སྙམ་དུ་སེམས་ཏེ། ཅིའི་ཕྱིར་བྱང་ཆུབ་སེམས
238b7 དཔའ་རྣམ་པར་རྒྱལ་བའི་ཕུང་པོ་འདི་འཇིག་རྟེན་གསུམ་གྱི་བླ་མས་བཀའ་སྩལ་པ་ལ་ལན་མི་གསོལ་བར་ཁ་རོག་འདུག་ཅིག་གུ་སྙམ་མོ།། དེ་ནས་བཅོམ་ལྡན་འདས་ཀྱིས་དེར་སེང
iiif viewer powered by OpenSeadragon
