| e-texts navigator |
| Wylie |
237a1 བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ཏེ། འཇིག་རྟེན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར
237a2 རྫོགས་པའི་སངས་རྒྱས་ཡོན་ཏན་གྱི་རྒྱལ་པོ་སྤོབས་པ་ཅན་ཞེས་བྱ་བར་འགྱུར་ཏེ། དེས་བྱང་ཆུབ་ཐོབ་པ་ན། བུད་མེད་ལྔ་བརྒྱ་པོ་འདི་དག་གཟུངས་ཐོབ་པ་དང་། ཐོགས་པ་མེད
237a3 པའི་སྤོབས་པ་དང་ལྡན་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བུད་མེད་འགྱུར་བ་འདིས། ཡོན་ཏན་གྱི་རྒྱུན་བསྟན་པ་གང་དག་ཡིན་པའི་རྒྱན་བརྒྱད་པོ་དེ་དག་གིས་བརྒྱན
237a4 པའི་བྱང་ཆུབ་སེམས་དཔའ་ལྔ་བརྒྱར་འགྱུར་ཏེ། བྱང་ཆུབ་སེམས་དཔའ་དེ་དག་དེ་བཞིན་གཤེགས་པ་ཡོན་ཏན་གྱི་རྒྱལ་པོ་སྤོབས་པ་ཅན་དེས་བླ་ན་མེད་པ་ཡང་དག་པར་རྫོགས་པའི
237a5 བྱང་ཆུབ་ཏུ་ལུང་བསྟན་པར་འགྱུར་རོ།། ཀུན་དགའ་བོ་དེ་བཞིན་གཤེགས་པ་ཡོན་ཏན་གྱི་རྒྱལ་པོ་སྤོབས་པ་ཅན་དེའི་སངས་རྒྱས་ཀྱི་ཞིང་ཡང་འབྱོར་ཅིང་རྒྱས་ལ། བདེ་བ་དང
237a6 ལོ་ལོགས་པ་དང་། མི་དང་སྐྱེ་བོ་མང་པོས་གང་བར་གྱུར་ཏེ། དགའ་ལྡན་གྱི་ལྷའི་ལོངས་སྤྱོད་དང་མཉམ་པར་འགྱུར་རོ།། སངས་རྒྱས་ཀྱི་ཞིང་དེ་ན། བུད་མེད་ཀྱི་མིང་ཙམ་ཡང
237a7 མེད་པར་འགྱུར་ཏེ། སེམས་ཅན་དེ་དག་ཐམས་ཅད་པདྨའི་སྙིང་པོ་ལ་རྫུས་ཏེ་སྐྱེས་ནས་སྐྱིལ་མོ་ཀྲུང་བཅས་ཏེ་འདུག་ལ། གཙང་ཞིང་ཚངས་པར་སྤྱོད་པ་དང་རྒྱན་བརྒྱད་པོ་དེ་དག་གིས་བརྒྱན
iiif viewer powered by OpenSeadragon
