| e-texts navigator |
| Wylie |
236a1 མེད་འགྱུར་བ་ཞེས་བྱ་བ་ཡིན་ཏེ། དེ་བཞིན་གཤེགས་པ་མི་འཁྲུགས་པའི་སངས་རྒྱས་ཀྱི་ཞིང་མངོན་པར་དགའ་བ་ནས་ཤི་འཕོས་ནས། སེམས་ཅན་ཡོངས་སུ་སྨིན་པར།
236a2 བྱ་བའི་ཕྱིར་འདིར་འོངས་སོ།། ཤཱ་རིའི་བུ་བྱང་ཆུབ་སེམས་དཔའ་བུད་མེད་འགྱུར་བ་འདིས། མི་མཇེད་ཀྱི་འཇིག་རྟེན་གྱི་ཁམས་འདིར་སེམས་ཅན་དཔག་ཏུ་མེད་པ་གྲངས་མེད་པ་དག་བླ་ན་མེད
236a3 པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱས་སོ།། དེ་ནས་བྱང་ཆུབ་སེམས་དཔའ་བུད་མེད་འགྱུར་བས། བུད་མེད་ཀྱི་གཟུགས་ཉིད་ཀྱིས་བཅོམ་ལྡན་འདས་ཀྱི་ཞ་བྲ
236a4 ལ་མགོ་བོས་ཕྱག་འཚལ་ནས། འདི་སྐད་ཅེས་གསོལ་ཏོ།། བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་མ་བསྟན་པའི་བར་དང་། བདག་གི་བུད་མེད་ཀྱི་ལུས་སུ།
236a5 མ་མཆིས་པར་གྱུར་ཏེ། སྐྱེས་པའི་ལུས་སུ་མ་གྱུར་ཀྱི་བར་དུ་བཅོམ་ལྡན་འདས་ཀྱི་ཞབས་ལས་མི་ལྡང་ལགས་སོ།། བུད་མེད་ལྔ་བརྒྱ་པོ་དེ་དག་ཀྱང་བཅོམ་ལྡན་འདས་ཀྱི་ཞབས
236a6 ལ་ཕྱག་འཚལ་ནས། འདི་སྐད་ཅེས་གསོལ་ཏོ།། བཅོམ་ལྡན་འདས་པ་དག་ཀྱང་བུད་མེད་ཀྱི་རང་བཞིན་ལས་གྱུར་ཏེ་སྐྱེས་པའི་རང་བཞིན་དུ་མ་གྱུར་གྱི་བུར་དང་། བླ་ན་མེད་པ་ཡང
236a7 དག་པར་རྫོགས་པའི་བྱང་ཆུབ་ཏུ་ལུང་མ་བསྟན་གྱི་བར་དུ་བདག་ཅག་མི་ལྡང་ལགས་སོ།། དེ་ནས་དེའི་ཚེ་བཅོམ་ལྡན་འདས་ཀྱིས་འཛུམ་པ་མཛད་དོ།། འདི་ནི་སངས་རྒྱས་བཅོམ་ལྡན་འདས
iiif viewer powered by OpenSeadragon
