| e-texts navigator |
| Wylie |
174b1 མི་གཏོང་ན། དེ་ནི་བརྩོན་འགྲུས་ཀྱི་དབང་པོའོ།། འཛུམ་དཔྲལ་གང་དམིགས་པ་དང་བྲལ་བའི་ཕྱིར་ཆོས་ཐམས་ཅད་ཡིད་ལ་མི་བྱེད་ཅིང་། དྲན་པ་ལ་མི་འདོགས་ན་དེ་ནི་དྲན་པའི་དབང་པོའོ།།
174b2 འཇམ་དཔལ་གང་ཆོས་ཐམས་ཅད་ལ་མི་སེམས་པ་འདི་ནི་ཏིང་ངེ་འཛིན་གྱི་དབང་པོའོ།། འཇམ་དཔལ་གང་གིས་ཆོས་ཐམས་ཅད་སྐྱེ་བ་དང་འཇིག་པ་དང་བྲལ་ཞིང་། ཤེས་པ་དང་མི་ཤེས་པ་དང
174b3 བྲལ་བ་སྟེ། རང་བཞིན་གྱིས་སྟོང་པར་མཐོང་ན། དེ་ནི་ཤེས་རབ་ཀྱི་དབང་པོའོ།། འཇམ་དཔལ་དབང་པོ་ལྔ་དག་ནི་དེ་ལྟར་བལྟའོ།། འཇམ་དཔལ་གྱིས་གསོལ་པ། བཅོམ་ལྡན་འདས་བྱང
174b4 ཆུབ་ཀྱི་ཡན་ལག་བདུན་རྣམས་ཇི་ལྟར་བལྟ་བར་བགྱི། བཅོམ་ལྡན་འདས་ཀྱི་སྲ་བཀའ་སྩལ་པ། འཇམ་དཔལ་གང་གིས་ཆོས་ཐམས་ཅད་རང་བཞིན་མེད་ཅིང་། ཡིད་ལ་བྱར་མེད་པར
174b5 མཐོང་བ་འདི་ནི་དྲན་པ་ཡང་དག་བྱང་ཆུབ་ཀྱི་ཡན་ལག་གོ། འཇམ་དཔལ་གང་གིས་དགེ་བ་དང་། མི་དགེ་བ་དང་། ལུང་དུ་མ་བསྟན་པར་རབ་ཏུ་ཕྱེ་སྟེ་བརྟགས་ན། ཡོངས་སུ་མ་གྲུབ་པས
174b6 ཆོས་ཐམས་ཅད་མི་དམིགས་པ་འདི་ནི། ཆོས་རབ་ཏུ་འབྱེད་པ་ཡང་དག་བྱང་ཆུབ་ཀྱི་ཡན་ལག་གོ།། འཇམ་དཔལ་གང་གིསྡེ་ཁམས་ཀྱི་འདུ་ཤེས་ཤིན་ཏུ་རིག་པའི་ཕྱིར། ཁམས་གསུམ
174b7 པ་མི་ལན་མི་འདོར་བ་འདི་ནི་བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་གོ།། འཇམ་དཔལ་གང་གིས་དགའ་བ་དང་། མི་དགའ་བ་ཤིན་ཏུ་རྟོག་པའི་ཕྱིར་འདུ་བྱེད་ཐམས་ཅད་ལ་དགའ་བ
iiif viewer powered by OpenSeadragon
