| e-texts navigator |
| Wylie |
174a1 བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་ཆོག་མོད། དེ་བཞིན་གཤེགས་པ་རྣམས་ཀྱི་ལྡེམ་པོ་དག་ནི་ཤེས་དང་འའོ།། འཇ་མ་དཔལ་ཀྱིས་གསོ།
174a2 པ། བཅོམ་ལྡན་འདས་འོན་ཀྱང་དྲན་པ་ཉེ་བར་གཞག་པ་བསྒོམ་པ་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་གང་གིས་ལུས་ནམ་མཁའ་དང་མཉམ་པར
174a3 མཐོང་ན། དེ་ནི་ལུས་ལ་ལུས་ཀྱི་རྗེས་སུ་ལྟ་བའི་དྲན་པ་ཉེ་བར་གཞག་པའོ།། འཇམ་དཔལ་གང་གིས་ཚོར་བ་ནང་དང་། ཕྱི་དང་། གཉིས་ཀ་མེད་པར་ཡང་མི་དམིགས་ན། དེ་ནི་ཚོར་བ་ལ
174a4 ཚོར་བའི་རྗེས་སུ་ལྟ་བའི་དྲན་པ་ཉེ་བར་གཞག་པའོ།། འཇམ་དཔལ་གང་གིས་སེམས་མིང་ཙམ་དུ་ཤེས་ན། དེ་ནི་སེམས་ལ་སེམས་ཀྱི་རྗེས་སུ་ལྟ་བའི་དྲན་པ་ཉེ་བར་གཞག་པའོ།། འཇམ
174a5 དཔལ་གང་གིས་དགེ་བ་དང་མི་དགེ་བའི་ཆོས་མ་དམིགས་ན། དེ་ནི་ཆོས་ལ་ཆོས་ཀྱི་རྗེས་སུ་ལྟ་བུའི་དྲན་པ་ཉེ་བར་གཞག་པའོ།། འཇམ་དཔལ་དྲན་པ་ཉེ་བར་གཞག་པ་བཞི་ནི་དེ་ལྟར་བལྟའོ།།
174a6 འཇམ་དཔལ་གྱིས་གསོལ་པཱ། བཅོམ་ལྡན་འདས་དབང་པོ་ལྔ་རྣམས་ཇི་ལྟར་བལྟ་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་གང་གིས་ཆོས་ཐམས་ཅད
174a7 རང་བཞིན་གྱིས་མ་བྱུང་བའི་ཕྱིར་མ་སྐྱེས་པར་མཐོང་ན། དེ་ནི་དད་པའི་དབང་པོའོ།། འཇམ་དཔལ་གང་གིས་ཉེ་བ་འམ། རིང་བའི་འདུ་ཤེས་དང་བྲལ་བའི་ཕྱིར་ཆོས་ཐམས་ཅད་ལ་སེམས
iiif viewer powered by OpenSeadragon
