| e-texts navigator |
| Wylie |
172b1 དེ་ཐེ་ཙོམ་དུ་ལྷུང་བའི་སེམས་ཀྱིས་དུས་བྱས་ནས། སེམས་ཅན་དམྱལ་བ་ཆེན་པོ་དག་ཏུ་སྐྱེས་ཏེ། དེ་ཡང་མ་སྐྱེས་པའི་ཆོས་རྣམས་ལ་རྣམ་པར་བརྟགས་པའི་ཕྱིར་རོ།།
172b2 འཕགས་པ་ཆོས་ཐམས་ཅད་འབྱུང་བ་མེད་པ་ཞེས་བྱ་བ་ཐེག་པ་ཆེན་པོའི་མདོ་བམ་པོ་གཉིས་པ། དེ་ནས་བཅོམ་ལྡན་འདས་ལ། འཇམ་དཔལ་གཞོན་ནུ
172b3 གྱུར་པས་འདི་སྐད་ཅེས་གསོལ་ཏོ།། བཅོམ་ལྡན་འདས་འཕགས་པའི་བདེན་པ་བཞི་པོ་རྣམས་ཇི་ལྟར་བལྟ་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་གང་གིས
172b4 འདུ་བྱེད་ཐམས་ཅད་མ་སྐྱེས་པར་མཐོང་བ་དེས། སྡུག་བསྔལ་ཡོངས་སུ་ཤེས་སོ།། གང་གིས་ཆོས་ཐམས་ཅད་འབྱུང་བ་མེད་པར་མཐོང་བ་དེས། ཀུན་འབྱུང་བ་རབ་ཏུ་སྤངས་སོ།། གང
172b5 གིས་ཆོས་ཐམས་ཅད་ཤིན་ཏུ་མྱ་ངན་ལས་འདས་པར་མཐོང་བ་དེས། འགོག་པ་མངོན་དུ་བྱས་སོ།། གང་གིས་ཆོས་ཐམས་ཅད་དངོས་པོ་མེད་པར་མཐོང་བ་དེས། ལམ་བསྒོམས་སོ།།
172b6 འཇམ་དཔལ་གང་གིས་འཕགས་པའི་བདེན་པ་བའི་དེ་ལྟར་མཐོང་བ་དེ་ནི། ཆོས་འདི་དག་ནི་དགེ་བའོ།། ཆོས་འདི་དག་ནི་མི་དགེ་བའོ།། ཆོས་འདི་དག་ནི་ཡོངས་སུ་ཤེས་པར་བྱའོ།། ཆོས་འདི
172b7 དག་ནི་སྤང་བར་བྱའོ།། ཆོས་འདི་དག་ནི་མངོན་དུ་བྱའོ།། ཆོས་འདི་དག་ནི་བསྒོམ་པར་བྱའོ།། སྡུག་བསྔལ་ནི་ཡོངས་སུ་ཤེས་པར་བྱའོ།། ཀུན་འབྱུང་བ་ནི་སྤང་བར་བྱའོ།། འགོག་པ་ནི་མངོ།
iiif viewer powered by OpenSeadragon
