| e-texts navigator |
| Wylie |
171b1 བྱེད་དེ། དེ་ཡང་དག་པ་མ་ཡིན་པར་ཁྲོ་འདོགས་པས། བདག་ནི་འདོད་ཆགས་སོ།། བདག་ནི་ཞེ་སྡང་ངོ་།། བདག་ནི་གཏི་མུག་གོ་ཞེས་རྣམ་པར་རྟོག་གོ། གལ་ཏེ་དེ་བཞིན་གཤེགས་པའི་བསྟན།
171b2 པ་ལ་རབ་ཏུ་བྱུང་ན། དེ་འདི་སྙམ་དུ་བདག་ནི་ཚུལ་ཁྲིམས་དང་ལྡན་པའོ།། བདག་ནི་ཚངས་པར་སྤྱོད་པའོ།། བདག་གིས་ནི་འཁོར་བ་ལས་ཡང་དག་པར་འདའ་བར་བྱའོ།། བདག་གིས་ནི་མྱ་ངན
171b3 ལས་འདས་པ་ཐོབ་པར་བྱའོ།། བདག་གིས་ནི་སྡུག་བསྔལ་ལས་རྣམ་པར་གྲོལ་བ་ཐོབ་པར་བྱའོ་སྙམ་དུ་སེམས་ཤིང་། དེ་ཡང་དག་པ་མ་ཡིན་པས་སྒྲ་འདོགོས་པས་ཆོས་འདི་དག་ནི་དགེ
171b4 བའོ།། ཆོས་འདི་དག་ནི་མི་དགེ་བའོ།། ཆོས་འདི་དག་ནི་ཡོངས་སུ་ཤེས་པར་བྱའོ།། ཆོས་འདི་དག་ནི་སྤང་བར་བྱའོ།། ཆོས་འདི་དག་ནི་མངོན་དུ་བྱའོ།། ཆོས་འདི་དག་ནི་བསྒོམ་པར་བྱའོ།།
171b5 སྡུག་བསྔལ་ནི་ཤེས་པར་བྱའོ།། ཀུན་འབྱུང་བ་ནི་སྤང་བར་བྱའོ།། འགོག་པ་ནི་མངོན་དུ་བྱའོ།། ལམ་ནི་བསྒོམ་པར་བྱའོ།། ཞེས་རྣམ་པར་རྟོག་གོ། དེ་འདུ་བྱེད་ཐམས་ཅད་ནི་མི་རྟོག
171b6 པའོ།། འདུ་བྱེད་ཐམས་ཅད་ནི་སྡུག་བསྔལ་བའོ།། འདུ་བྱེད་ཐམས་ཅད་ནི་ཀུན་ནས་འབར་བའོ།། ཅི་ནས་ཀྱང་བདག་ནི་འདུ་བྱེད་རྣམས་ལས་འབྲོས་པར་བྱའོ་སྙམ་དུ་རྣམ་པར་རྟོག་སྟེ། དེ་དེ
171b7 ལྟར་རྟོག་པའི་ཚེ། སྐྱོ་བ་དང་ལྡན་པའི་འདུ་ཤེས་ཡིད་ལ་བྱེད་པ་མཚན་མ་མངོན་དུ་བཏང་བ་དག་འབྱུང་སྟེ། དེ་འདི་སྙམ་དུ་གང་འདི་ཆོས་རྣམས་ཡོངས་སུ་ཤེས་པ་དེ་ནི་སྡུག་བསྔལ་ཡོང་སུ་ཤེས
iiif viewer powered by OpenSeadragon
