| e-texts navigator |
| Wylie |
160a1 བྲལ་བ་དེ་ལ་མ་མཆིས་ལ།། ཆོས་རྣམས་མིང་དང་མིང་མེད་བྲལ་བ་སྟེ།། སྒྲ་བརྗོད་བྲག་ཆ་འདྲ་བ་ཇི་ལྟར་ལགས།། སྐྱེ་དང་སྐྱེ་མེད་གང་ལ་མ་མཆིས་ཤིང་།། གང་ལ་སྐྱོན
160a2 བྲལ་མྱ་ངན་འདས་པ་དང་།། འཁོར་བ་དག་ཀྱང་དེ་ལ་མ་མཆིས་པས།། ཆོས་རྣམས་ཐམས་ཅད་ཚུལ་ནི་ཇི་ལྟར་འགྱུར།། ལྷ་དང་ཀླུ་དག་དེ་ལ་མ་མཆིས་ཤིང་།། གནོད་སྦྱིན་མིའམ་ཅི་དང་འདྲེ་དག།
160a3 དང་སེམས་ཅན་དམྱལ་བ་དེ་ལ་མ་མཆིས་ཤིང་།། ཇི་ལྟར་དེ་ལ་སེམས་ཅན་ལམ་མ་མཆིས།། མགོན་པོས་ཆོས་རྣམས་གང་གསུངས་ཚུལ་དག་དང་།། སྡིག་པའི་བློ་ཅན་མུ་སྟེགས་གང
160a4 སྨྲག། དེ་དག་གཉིས་སུ་མ་མཆིས་ཇི་ལྟར་ལགས།། ཡི་གེ་ཀུན་ལ་གཅིག་ཏུ་འཇུག་པར་ཇི་ལྟར་འགྱུར།། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སེ
160a5 གེའི་རྩལ་གྱིས་འགྲོ་བ་ལ་ལེགས་སོ་ཞེས་བྱ་བ་གནང་སྟེ། རིགས་ཀྱི་བུ་ལེགས་སོ་ལེགས་སོ།། ཁྱོད་ཀྱིས་ཇི་ཙམ་དུ་འཇིག་རྟེན་ཐམས་ཅད་ཀྱིས་ཡིད་ཆེས་པར་དཀའ་བའི་དྲི་བ་འདི་དྲིས་པ
160a6 ངོ་མཚར་ཆེའོ།། རིགས་ཀྱི་བུ་ཆོག་མོད། ཁྱོད་ཀྱིས་འདི་དྲིས་པས་ཅི་ཞིག་བྱ། འདི་ནི་བྱང་ཆུབ་སེམས་དཔའ་ལས་དང་པོ་པ། སྟོང་པ་ཉིད་ཀྱི་ལྟ་བ་ཅན།། མཚན་མ་མེད་པའི་ལྟ་བ་ཅན
160a7 སྨོན་པ་མེད་པའི་ལྟ་བ་ཅན།། སྐྱེ་བ་མེད་པའི་ལྟ་བ་ཅན། དངོས་པོ་མེད་པའི་ལྟ་བ་ཅན།། མཚན་ཉིད་མེད་པའི་ལྟ་བ་ཅན། སངས་རྒྱས་ཀྱི་ལྟ་བ་ཅན། བྱང་ཆུབ་ཀྱི་ལྟ་བ་ཅན་དག་གི་གནས་མ་ཆི
iiif viewer powered by OpenSeadragon
