| e-texts navigator |
| Wylie |
159a1 ལགས།། ཇི་ལྟར་ཆོས་རྣམས་གཉིས་སུ་མ་མཆིས་པ།། རྒྱལ་བ་ཐུགས་རྗེ་མངའ་བས་བཤད་དུ་གསོལ།། ཆོས་རྣམས་ཤིན་ཏུ་རྣམ་པར་གྲོལ་གྱུར་ཅིང་།། མྱ་ངན།
159a2 འདས་དང་གྲོལ་མཉམ་ཇི་ལྟར་ལགས།། ཆགས་བུ་མ་ཆགས་ནམ་མཁའི་ཚུལ་འདྲ་ཞིང་།། འཆིང་བར་མི་འགྱུར་གང་ལགས་མགོན་པོས་གསུངས།། ཀྲ་ལ་བིདྨ་ཚངས་པ་ལྷ་ཡི་གསུང་།། འོ།
159a3 ལ་དྲི་མེད་གསེར་གྱི་མདོག་མངའ་བ།། ཡིད་འོང་འོད་གསལ་ཡོན་ཏན་མཚོ་མངའ་བས།། ཆོས་ཉིད་རྟག་པར་ཚུལ་གཅིག་བཀའ་སྩལ་གསོལ།། སྒྲིབ་པ་ཇི་ལྟར་བྱང་ཆུབ་མཉམ་པ་ལ།
159a4 བྱང་ཆུབ་རང་བཞིན་ཇི་ལྟར་ཆོས་རྣམས་ལགས།། ཆོས་དང་ཆོས་མིན་ཇི་ལྟར་འདྲ་བ་ལགས།། དེ་གཉིས་ཇི་ལྟར་ནམ་མཁའ་མཚུངས་པ་ལགས།། ཆོས་རྣམས་གྲངས་དང་བགྲང་བ་མ་མཆིས
159a5 ཤིང་།། ཞིང་དང་མཉམ་པར་དེ་དག་ཇི་ལྟར་འགྱུར།། སྐྱོན་བྲལ་བྱང་ཆུབ་དེ་ལ་མ་མཆིས་ཤིང་།། དེ་ལ་ཀུན་མཁྱེན་མ་མཆིས་ཇི་ལྟར་ལགས།། བགྱིས་དང་བགྱིད་དང་བགྱི་བའི་རང་བཞིན་དང་།
159a6 གཟུང་དང་འཛིན་པ་ནམ་མཁའ་མ་མཆིས་ལ།། སེམས་ཅན་རྣམས་ཀྱང་རྟག་པར་མ་མཆིས་ཤིས།། དེ་ལ་ཆོས་སྤྱོད་ཇི་ལྟར་མ་མཆིས་འགྱུར།། དེ་ཡི་ཚུལ་ཁྲིམས་བཟོད་པ་མ་མཆིས་ཤིང་།།
159a7 ཁྲིམས་འཆལ་པའང་དེ་ལ་མ་མཆིས་ལ།། བསམ་གཏན་ཤེས་རབ་དེ་ལ་མ་མཆིས་ཤིང་།། རྟོགས་དང་མ་རྟོགས་མ་མཆིས་ཇི་ལྟར་ལེགས།། ཆོས་རྣམས་དྲི་མེད་དག་པ་ཇི་ལྟར་ལགས།།
iiif viewer powered by OpenSeadragon
